‘नाशिक आक्रोश मोर्चा’ च्या जनजागृतीसाठी राष्ट्रवादी काँग्रेस पक्ष शरदचंद्र पवार गटाचे शहरात पत्रके वाटप

‘नाशिक आक्रोश मोर्चा’साठी स्वतः शरदचंद्र पवार साहेब व खासदार सुप्रिया सुळे नाशिक मध्ये दाखल झाले आहे..

पोलीस वार्ता, नाशिक : राष्ट्रवादी काँग्रेस पक्ष शरदचंद्र पवार गटाच्या वतीने नाशिक शहरात दि.15 सप्टेंबर 2025 रोजी ‘नाशिक आक्रोश मोर्चा’ आयोजित करण्यात आला आहे. या मोर्चासाठी स्वतः शरदचंद्र पवार साहेब व खासदार सुप्रिया सुळे नाशिकमध्ये दाखल झाले आहे. पक्षाच्या नेते व कार्यकर्त्यांच्या वतीने शहरातील वेगवेगळ्या प्रभागांमध्ये ‘नाशिक आक्रोश मोर्चा’ चे पत्रक वाटून नागरिकांमध्ये मध्ये जोरदार जनजागृती केली जात आहे. तसेच मोर्चात हजारोच्या संख्येने शामिल होण्याचे आवाहन देखील केले जात आहे. मोर्चाचा मार्ग शहरातील गोल क्लब मैदान ते कलेक्टर कार्यालय असा असणार आहे.

या मोर्चाच्या माध्यमातून आंदोलन निदर्शनाने शेतकऱ्यांच्या विविध समस्या आणि विषयांवर सरकारला जाब विचारला जाणार आहे. शेतकऱ्यांना कर्जमाफी, कांद्याचा भाव व निर्यात, कापसाचा भाव व निर्यात, आयात, द्राक्ष उत्पादन, व्यापाऱ्यांकडून शेतकऱ्यांची फसवणूक, शेतीमालाला हमीभाव, कृषी यंत्रांना जीएसटी, शेतकऱ्यांची नैसर्गिक हानी, दुधाचे हमीभाव, कृषी विमा, ओला-कोरडा दुष्काळ, बोगस खाते व बियाणे, साखर कारखान्यांचे प्रश्न असे अनेक विषय मोर्चात मांडण्यात येणार आहे.

राष्ट्रवादी काँग्रेस पक्ष शरदचंद्र पवार गटाच्या नाशिकरोड पदाधिकाऱ्यांनी देखील शनिवारी 13 सप्टेंबर रोजी प्र.क्र-18 मध्ये प्रभागातील राजराजेश्वरी चौक, पंचक भाजी मार्केट, पंचक गावसह परिसरात आगामी 15 सप्टेंबरच्या ‘नाशिक आक्रोश मोर्चा’ चे पत्रक वाटून लोकांना मोर्चात सहभागी होण्याचे आवाहन केले आहे.

यावेळी पक्षाचे प्रभाग अध्यक्ष पंकज जाधव, शहर युवक सरचिटणीस गणेश मोरे, शहर संघटक युवक प्रवीण बोराडे, नाशिकरोड उपाध्यक्ष निलेश जगताप, सामाजिक न्याय विभाग अध्यक्ष बाबासाहेब अस्वले, नाशिकरोड विभाग युवक अध्यक्ष योगेश लोखंडे, नाशिकरोड सरचिटणीस कुणाल पाठक, प्रकाश वाघमारे आदी पदाधिकारी व कार्यकर्ते उपस्थित होते.