नाशिक पोलीस आयुक्त संदीप कर्णिक यांनी तातडीने नाशिक शहरातील 7 वरिष्ठ पोलीस अधिकाऱ्यांच्या तात्पुरत्या स्वरूपात बदल्या केल्या आहे..
पोलीस वार्ता, नाशिक : नाशिक शहरात दिवसेंदिवस गुन्हेगारी वाढत चालली असून रोज एक तरी खुनाची घटना समोर येते, शहरात खुलेआम कोयते फिरवणाऱ्यांचे व्हिडिओ व्हायरल होतात, त्यात एमडी ड्रग्जचे जाळे शहरात पसरले असून तरुण पिढी यात उद्ध्वस्त होत आहे. या नशेतून गुन्हेगारी वाढत चालली आहे. यासर्व गंभीर समस्या शहरात असून यासंदर्भात काही दिवसांपूर्वी शिवसेना – उबाठा पक्षाकडून मोठा मोर्चा शहरात काढण्यात आला होता त्यानंतर राष्ट्रवादी – शरद पवार पक्षाकडून देखील स्वतः शरद पवार यांच्या उपस्थितीत नाशिकमध्ये मोठे जनआंदोल करण्यात आले. तसेच नुकतेच शहरातील तिन्ही सत्ताधारी भाजप आमदारांनी मुख्यमंत्र्यांची भेट घेऊन नाशिक शहरातील गुन्हेगारी संदर्भात चर्चा केली होती आणि नाशिक शहर पोलीस आयुक्त संदीप कर्णिक यांच्यासोबत देखील बैठक घेऊन गुन्हेगारी रोखण्यासाठी त्वरित उपाययोजना करण्याची मागणी केली होती.
नाशिकमध्ये जानेवारी पासून सप्टेंबर पर्यंत 42 खून झाल्याचे समोर आले आहे. याच कारणाने राजकीय दबाव वाढत चालला असून आता नाशिक पोलीस आयुक्त संदीप कर्णिक यांनी तातडीने नाशिक शहरातील 12 पोलीस ठाण्यांच्या अधिकाऱ्यांच्या त्यात 7 वरिष्ठ पोलीस निरीक्षकांच्या तात्पुरत्या स्वरूपात बदल्या केल्या आहे. यामुळे पोलिसांना शहरातील गुन्हेगारी कमी करण्यास मदत होईल हीच अपेक्षा आहे.
-
कोणाकडे कुठल्या पोलीस ठाण्याची जबाबदारी?
