नाशिक येथील मे. विराज एंटरप्रायजेस, त्रिमुर्ती चौक, सिडको या पेढीमध्ये बनवाट पनीर व खवा विक्रीसाठी येणार असल्याची माहिती मिळाली होती..
पोलीस वार्ता, नाशिक : सणासुदीच्या काळात दूध व दुग्धजन्य पदार्थ जसे पनीर, खवा, मावा इत्यादी खाद्यपदार्थांना मागणी असते. ‘सण महाराष्ट्राचा, संकल्प अन्न’ सुरक्षिततेचा या मोहिमेंतर्गत अन्न व औषध प्रशासनाने मिठाई व तत्सम पदार्थ तपासणी मोहिम जिल्ह्यात सुरू केली आहे. या तपासणी मोहिमेत एकूण रूपये 43 हजार 740 किंमतीचा पनीर व खवा यांचा साठा जप्त करण्यात आला असल्याची माहती अन्न व औषध प्रशासन सह आयुक्त (अन्न) दि.ज्ञा.तांबोळी यांनी प्रसिद्धी पत्रकान्वये दिली आहे.
