3.5 कोटी निधीतून उभारण्यात आलेले 10 खाटांच्या अतिदक्षता विभागाचा लाभ जिल्ह्यातील कामगारांना होणार आहे..
पोलीस वार्ता, नाशिक : सातूपर येथील कर्मचारी राज्य विमा रूग्णालयाच्या अतिदक्षता विभागाचे लोकर्पण 15 ऑगस्ट रोजी जलसंपदा मंत्री गिरीश महाजन यांच्या हस्ते झाले.
सातपूर येथील कर्मचारी राज्य विमा रूग्णालय गेली 35 वर्षांपासून कामगारांच्या सेवेत कार्यरत आहे. 3.5 कोटी निधीतून उभारण्यात आलेले 10 खाटांच्या अतिदक्षता विभागाचा लाभ जिल्ह्यातील कामगारांना होणार आहे. या माध्यमातून कामगारांना दर्जेदार व तत्काळ स्वरूपाच्या आरोग्य सुविधा मिळणार असल्याचे जलसंपदा मंत्री महाजन यांनी यावेळी बोलताना सांगितले.
यावेळी कार्यक्रम प्रसंगी डॉ.बी.एम पावरा, वैद्यकीय प्रशासन अधिकारी राजश्री पाटील, आमदार सीमा हिरे, निवासी वैद्यकीय अधिकारी डॉ. महेश दांडगे, वैद्यकीय अधिकारी सरोज जवादे यांच्यासह इतर अधिकारी उपस्थित होते.
