त्रंबकेश्वर सिंहस्थ कुंभमेळा सुरक्षित होण्यासाठी भाविकांच्या गर्दीचे व्यवस्थापन सूक्ष्म नियोजन करण्याच्या अधिकाऱ्यांना सूचना

त्रंबकेश्वर येथील कुंभमेळा विकास कामे तसेच त्र्यंबकेश्वर मंदिर परिसर, दर्शन मार्गिका, नियंत्रण कक्ष आणि कुशावर्त परिसराला भेट देऊन पाहणी..

पोलीस वार्ता, नाशिक : त्रंबकेश्वर येथे 2027 मध्ये होणारा कुंभमेळा सुरक्षित होण्यासाठी देशभरातून येणाऱ्या भाविकांच्या गर्दीचे सूक्ष्म नियोजन करावे. तसेच त्र्यंबकेश्वर येथे येणाऱ्या भाविकांना येण्यासाठी आणि जाण्यासाठी स्वतंत्र मार्गिका असाव्यात, अशा सूचना राज्याचे मुख्य सचिव राजेशकुमार यांनी अधिकाऱ्यांना दिल्या आहेत.

नाशिक जिल्हा दौऱ्यावर दोन दिवस मुख्य सचिव राजेशकुमार आले असून दि.9 नोव्हेंबर रोजी सकाळी त्यांनी त्रंबकेश्वर येथील कुंभमेळा विकास कामे तसेच त्र्यंबकेश्वर मंदिर परिसर, दर्शन मार्गिका, नियंत्रण कक्ष आणि कुशावर्त परिसराला भेट देऊन पाहणी केली. यावेळी विभागीय आयुक्त तथा नाशिक त्र्यंबकेश्वर कुंभमेळा विकास प्राधिकरणाचे अध्यक्ष डॉ. प्रवीण गेडाम, आयुक्त शेखर सिंह, जिल्हाधिकारी आयुष प्रसाद, पोलीस अधीक्षक बाळासाहेब पाटील, तहसीलदार गणेश जाधव, त्र्यंबकेश्वर नगर परिषदेचे मुख्याधिकारी राहुल पाटील, मंदिराचे विश्वस्त यांचेसह विविध विभागांचे अधिकारी व मान्यवर उपस्थित होते.

कुंभमेळ्याच्या पार्श्वभूमीवर त्र्यंबकेश्वर येथे उपलब्ध असलेली जागा व भाविकांची गर्दी लक्षात घेता स्क्षूम नियोजन करणे आवश्यक आहे. भाविकांची कोणतीही गैरसोय होणार नाही याची दक्षता घ्यावी, तसेच साधू, संत, महंत आणि भाविकांसाठी आवश्यक मुलभूत सोयीसुविधा वेळेत उपलब्ध होतील. अशी माहिती राजेश कुमार यांनी दिली. तसेच आरोग्याच्या पुरेशा सुविधा व आपत्ती निवारणाची सुविधा तसेच विविध बाजूंनी त्र्यंबकेश्वर कडे येणाऱ्या रस्त्यांचे मजबुतीकरण, पार्किंगसाठी लागणाऱी जागा, नदी किनारी बांधण्यात येणारे घाट आदि कुंभमेळ्यानिमित्त करण्यात येणारी कामे वेळेत लवकर पूर्ण करण्याच्या सूचना व निर्देश देण्यात आले.

2027 सिंहस्थ कुंभमेळ्यानिमित्त त्र्यंबकेश्वर शहर व परिसरात सुरू असलेल्या विकास कामं, नियोजन याबाबत विभागीय आयुक्त डाॅ.गेडाम आणि कुंभमेळा आयुक्त शेखर सिंह यांनी उपस्थितांना माहिती दिली.