राज्याचे मुख्यमंत्री आज नाशिकमध्ये दाखल, पोलिसांच्या गुन्हेगारांवरील ऍक्शनवर आज पत्रकार परिषदेत काय बोलणार?

नाशिक मधील वाढती गुन्हेगारी हा गंभीर विषय असून यावर काही दिवसांपूर्वी स्थानिक आमदार आणि मुख्यमंत्र्यांची भेट घेतली होती..

पोलीस वार्ता, नाशिक : राज्यातील नगरपरिषद निवडणूक पार्श्वभूमीवर वेगवेगळ्या पक्षाचे नेते दौऱ्यावर असतानाच मुख्यमंत्री देवेंद्र फडणवीस यांचे आज दुपारी ओझर विमानतळावर आगमन झाले. यावेळी त्यांच्यासोबत राज्य महसूल मंत्री चंद्रशेखर बावनकुळे, राज्य पणन व राजशिष्टाचार मंत्री जयकुमार रावल, राज्य पर्यावरण मंत्री पंकजा मुंडे, आमदार रवींद्र चव्हाण यांचे देखील आगमन झाले.

यावेळी मुख्यमंत्र्यांच्या स्वागतासाठी राज्य जलसंपदा मंत्री राधाकृष्ण विखे पाटील, राज्य वस्त्रोद्योग मंत्री संजय सावकारे, आमदार डॉ.राहुल आहेर, आमदार देवयानी फरांदे, आमदार सीमा हिरे यांच्यासह शासकीय अधिकारी विभागीय आयुक्त डॉ. प्रवीण गेडाम, पोलीस आयुक्त संदीप कर्णिक, जिल्हाधिकारी आयुष प्रसाद, नाशिक महानगर विकास प्राधिकरणाचे मुख्य कार्यकारी अधिकारी जलज शर्मा, कुंभमेळा प्राधिकरणाचे आयुक्त शेखर सिंह, महानगरपालिका आयुक्त मनीषा खत्री, जिल्हा परिषदेचे मुख्य कार्यकारी अधिकारी ओमकार पवार आदी उपस्थित होते.

नाशिक मधील वाढती गुन्हेगारी हा गंभीर विषय असून यावर काही दिवसांपूर्वी स्थानिक आमदार आणि मुख्यमंत्र्यांची भेट घेतली होती आणि कठोर कारवाईची मागणी केली होती. त्यातच गेल्या दोन दिवसात अनेक बड्या नेत्यांना पोलिसांकडून अटक सत्र सुरू झाले असून यात काही राजकारणी वळण लागते का हे पुढे पाहिला भेटेल कारण कारवाई करण्यात आलेले नेते हे सत्तेत असलेल्या भाजपच्याच मित्र पक्षातील आरपीआय आणि शिवसेना (शिंदे गट) मधील नेते आहेत.