सारोळा–वीर रस्त्यावर बस आणि मोटर सायकल यांचा अपघात; मोटर सायकलवरील दोघे जखमी!

अपघातात दुचाकी वरील दोघे जण जखमी, एकाच्या पायाला फ्रॅक्चर झाले असून राजगड पोलिसांनी गुन्हा दाखल केला..

पोलीस वार्ता, भोर | तालुक्यातील सारोळा–वीर rastyavar सावरदरे गावच्या हद्दीत परभळ वॉशिंग सेंटरजवळ भरधाव एसटी बसने समोरून येणाऱ्या दुचाकी मोटर सायकलला धडक दिल्याने झालेल्या अपघातात दुचाकी वरील दोघे जण जखमी झाले असून त्यापैकी एकाच्या पायाला फ्रॅक्चर झाले आहे. या प्रकरणी राजगड पोलीस ठाण्यात एसटी बस चालकाविरुद्ध गुन्हा दाखल करण्यात आला आहे.

सविस्तर माहिती अशी की, मंगळवार दि.14 जुलै 2026 रोजी सकाळी 7:30 वाजेच्या एसटी बस क्र. MH06 S8298, चालक सचिन नारायण धनावडे, वय-40 वर्षे, रा. भोर, मूळ रा. काळदरी, ता.पुरंदर याने भरधाव वेगाने व रहदारीच्या नियमांकडे दुर्लक्ष करून बस चालवत समोरून येणाऱ्या दुचाकीला, क्र. MH12 HW5534 धडक दिल्याने अपघात घडला.

अपघातात मोटरसायकल वरील शेखर भगवान बिडकर, वय-37 वर्षे यांना मांडीला किरकोळ दुखापत झाली असून मित्र सागर राजेंद्र भोसले याच्या उजव्या पायाच्या मांडीला फ्रॅक्चर होऊन त्याला गंभीर दुखापत झाली आहे. तसेच दुचाकीचेही मोठे नुकसान झाले आहे. सदर अपघाताची शेखर बिडकर यांनी फिर्यादी दिली असून राजगड पोलीस ठाण्यात गु.र.नं. 266/2026 अन्वये बीएनएस कलम 281, 125(अ)/(ब), 324(4) तसेच मोटार वाहन कायदा कलम 184 अंतर्गत एसटी बस चालकाविरुद्ध गुन्हा दाखल करण्यात आला आहे. गुन्ह्याचा अधिक तपास राजगड पोलीस ठाण्याचे पोह. मदने करीत आहेत.