चोरट्यांनी घराचे कुलूप तोडून घरात प्रवेश केला व सुमारे 5.70 लाख रुपये किंमतीचे सोन्याचे दागिने व रोख रक्कम चोरून नेले होते..

पोलीस वार्ता, भुसावळ : शहरातील बाजारपेठ पोलीस ठाणे हद्दीत घडलेल्या 5 लाख 70 हजार रुपये किंमतीच्या घरफोडी गुन्ह्याचा अवघ्या दोन दिवसांत छडा लावण्यात भुसावळ पोलिसांना यश आले आहे. यात एका संशयित आरोपीला अटक केली आहे. त्याच्याकडून सुमारे 4 लाख 99 हजार 100 रुपये किंमतीचा चोरीचा मुद्देमाल हस्तगत करण्यात आला आहे.
याबाबत मिळालेल्या माहितीनुसार, फिर्यादी वसीम अहमद अब्दुल बासित शेख (रा.फातिमा कॉलनी, भुसावळ) यांनी दिलेल्या तक्रारीनुसार, ते दि.28 मार्च ते 30 मार्च दरम्यान घराला कुलूप लावून बाहेरगावी गेले होते. या काळात अज्ञात चोरट्यांनी त्यांच्या घराचे कुलूप तोडून घरात प्रवेश केला व सुमारे 5.70 लाख रुपये किंमतीचे सोन्याचे दागिने व रोख रक्कम चोरून नेली.





































