भुसावळ शहरातील 5.70 लाखांची घरफोडी उघड; संशयित आरोपी मुद्देमालासह अटकेत!

चोरट्यांनी घराचे कुलूप तोडून घरात प्रवेश केला व सुमारे 5.70 लाख रुपये किंमतीचे सोन्याचे दागिने व रोख रक्कम चोरून नेले होते..

पोलीस वार्ता, भुसावळ : शहरातील बाजारपेठ पोलीस ठाणे हद्दीत घडलेल्या 5 लाख 70 हजार रुपये किंमतीच्या घरफोडी गुन्ह्याचा अवघ्या दोन दिवसांत छडा लावण्यात भुसावळ पोलिसांना यश आले आहे. यात एका संशयित आरोपीला अटक केली आहे. त्याच्याकडून सुमारे 4 लाख 99 हजार 100 रुपये किंमतीचा चोरीचा मुद्देमाल हस्तगत करण्यात आला आहे.

याबाबत मिळालेल्या माहितीनुसार, फिर्यादी वसीम अहमद अब्दुल बासित शेख (रा.फातिमा कॉलनी, भुसावळ) यांनी दिलेल्या तक्रारीनुसार, ते दि.28 मार्च ते 30 मार्च दरम्यान घराला कुलूप लावून बाहेरगावी गेले होते. या काळात अज्ञात चोरट्यांनी त्यांच्या घराचे कुलूप तोडून घरात प्रवेश केला व सुमारे 5.70 लाख रुपये किंमतीचे सोन्याचे दागिने व रोख रक्कम चोरून नेली.

या प्रकरणी भुसावळ बाजारपेठ पोलीस ठाण्यात गुन्हा दाखल करण्यात आला होता. तपासा दरम्यान पोलिसांना गुप्त माहितीच्या आधारे संशयित अमीर खान हबीब खान (वय-35, रा. न्युईदगा जवळ, भुसावळ) यास ताब्यात घेतले. चौकशीदरम्यान संशयिताने गुन्ह्याची कबुली दिली. त्याच्याकडून चोरीचा मुद्देमाल जप्त करण्यात आला आहे. पुढील कारवाईसाठी आरोपीस न्यायालयात हजर केले असता त्याला तीन दिवसांची पोलीस कोठडी सुनावण्यात आली आहे. या प्रकरणाचा पुढील तपास पोनि. राहुल वाघ यांच्या मार्गदर्शनात सुरू आहे.