भारतीय जनता पक्षाचे प्रणेते पंडित दीनदयाळ उपाध्याय यांचा 109 वा जयंती अभिवादन कार्यक्रम संपन्न!

सर्व उपस्थितांनी एकात्मिक मानवतावादाची शपथ घेऊन ‘स्व.पंडितजी’ना अभिवादन केले..

पोलीस वार्ता, मनमाड : भारतीय जनता पक्षाचे प्रणेते आणि भारतीय जनसंघाचे ज्येष्ठ नेते स्व.पंडित दीनदयाळ उपाध्याय यांच्या जयंतीनिमित्त आज गुरुवारी दि.25 सप्टेंबर 2025 रोजी मनमाड शहरात भारतीय जनता पार्टीच्या नेत्यांनी अभिवादन करून आदरांजली वाहिली.

उपस्थित मान्यवरांनी स्व.पंडित दीनदयाळ उपाध्याय यांच्या प्रतिमेला त्यांच्या 109 व्या जयंतीदिनी पुष्पहार अर्पण केला व सर्व उपस्थितांनी एकात्मिक मानवतावादाची शपथ घेऊन ‘स्व.पंडितजी’ना अभिवादन केले. पंडित दीनदयाळ उपाध्याय यांची राजकीय भूमिका म्हणजे ते 1953 ते 1968 पर्यंत भारतीय जनसंघाचे नेते होते. एक प्रगल्भ तत्वज्ञानी, उत्कृष्ट संघटक आणि वैयक्तिक सचोटीचे सर्वोच्च मानक राखणारे ते नेते होते.

या अभिवादन कार्यक्रम प्रसंगी पंडित दीनदयाळ उपाध्याय यांच्या कार्याची आठवण करून देताना भाजप जि.उपा. नितीन पांडे म्हणाले की, भाजप कार्यकर्त्यांचे ‘प्रेरणास्थान’ असलेले स्व.पंडित दीनदयाळ उपाध्याय यांनी एकात्मिक मानवतावाद आणि अंत्योदय सारख्या प्रगतीशील विचारांद्वारे समाजाला एक नवीन दिशा देण्याचे उत्तम काम केले. समाजातील शेवटच्या व्यक्तीपर्यंत विकास आणि कल्याण पोहोचले तरच समाजाची खरी उन्नती शक्य आहे असे त्यांचे मत व्यक्त केले होते. आज त्यांच्या विचारांनीच भारताचे पंतप्रधान आदरणीय श्री.नरेंद्रजी मोदी सक्षमपणे देशाचे नेतृत्व करत आहे.

यावेळी भाजपा नाशिक कार्यकारणीतील जि.उपा. नितीन पांडे, जि.उपा. नारायण पवार, मनमाड श.अध्य. संदीप नरवडे, व्यापारी आघाडी जि.अध्य. कांतीलाल लुणावत जि.चि. सौ अनिता इंगळे, मा. नगरसेवक प्रमोद पाचोरकर, विजय मिश्रा, श.सचि. आनंद काकडे, दिव्यांग आघाडी जि.उपा. सुनीता वानखेडे, महिला मोर्चा सौ जयश्री कुंभार, श.उपा. गणेश कासार, धीरज भाबड, गोविंद सानप यांसह आदी पदाधिकारी व कार्यकर्ते उपस्थित होते.