नाशिक शहर परिसरात 29 नोव्हेंबरपर्यंत शस्त्र व जमावबंदी आदेश! उल्लंघन केल्यास होणार कारवाई

15 नोव्हेंबर 2025 मध्य रात्रीपासून ते 29 नोव्हेंबर 2025 रात्री 12.00 वाजेपर्यंत शस्त्र व जमावबंदी आदेश जारी..

पोलीस वार्ता, नाशिक : शहर परिसरात कायदा व सुव्यवस्था अबाधित राखण्यासाठी नाशिक शहर पोलीस आयुक्त संदीप कर्णिक यांनी मुंबई पोलीस अधिनियम 1951 चे 37(1) (3) अन्वये नाशिक शहर परिसरात 15 नोव्हेंबर 2025 मध्य रात्रीपासून ते 29 नोव्हेंबर 2025 रात्री 12.00 वाजेपर्यंत शस्त्र व जमावबंदी आदेश जारी केला आहे.

हे आदेश व नियम लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू होत नाही. परंतु या आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये कारवाई करण्यात येईल, असे पोलीस आयुक्त कर्णिक यांनी 14 नोव्हेंबर रोजी जाहीर केलेल्या आदेशात म्हटले आहे.