भुसावळ – रेल्वे स्थानकातील दक्षिण बाजूला मुसाफिर खाना येथे स्कॅनर मशीन मध्ये बॅग स्कॅनिंग करत असताना कॉन्स्टेबल भूषण पाटील यांना संशयास्पद व्यक्तीची बॅग स्कॅनिंग मशिनमध्ये ठेवल्यानंतर स्क्रीनवर गांजासारखे काहीतरी असल्याचा अलर्ट मिळाले आणि संशयिताची चौकशी केली असता पिशवीत खाकी टेपने झाकलेले दोन बंडल दिसले. त्यात आंबट उग्रवस व ओला गांजा बियाणे चार किलो मिळून आल्याने जप्त करण्यात आली.
याबाबत भुसावळ रेल्वे स्थानकांच्या दक्षिण बाजूला मुसाफिर खाना येथे ८ ऑक्टोबर रोजी रात्री १२ ते ८ ड्युटीमध्ये एम एस एफ कर्मचारी रफिक शेख यांनी स्कॅनर मशीन आणि सीपीडीएस टीम भुसावळ येथे तैनात करण्यात आली होती.बॅग स्कॅनिंग करत असताना कॉन्स्टेबल भूषण पाटील यांना संशयास्पद व्यक्तीची बॅग स्कॅनिंग मशिनमध्ये ठेवल्यानंतर स्क्रीनवर गांजासारखे काहीतरी असल्याचा अलर्ट मिळाला आणि संशयिताची चौकशी केली असता त्याने त्याची बॅग दिली.नाव समीर खान जमील खान,वय २५ वर्षे,रहिवासी पीव्हीटी चांदोला तलवाना छपरा बसीर किराणा दुकान निमला अहमदाबाद असे सांगितले. नंतर,आरपीएफ भुसावळ मंडळाचे सहाय्यक सुरक्षा आयुक्त अशोक कुमार यांच्या उपस्थितीत दक्षिण बाजूच्या मुसाफिरखाना येथे बॅग स्कॅनिंग मशीनजवळ बॅग तपासली. पिशवीत खाकी टेपने झाकलेले दोन बंडल कात्रीने कापून उघडले असता त्यात आंबट उग्रवस व ओला गांजा बियाणे दिसला.दोन बंडलमध्ये सापडलेल्या गांजाचे वजन ४ किलो आढळले ज्याची एकूण अंदाजे किंमत ४० हजार रुपये किंमतीचा गांजाच्या जप्तीची कार्यवाही रेल्वे सुरक्षा बल विभागाचे निरीक्षक मीना यांनी लोहमार्ग पोलीस भुसावळ यांना वरील गांजाच्या जप्ती करून आरोपितांना सुपूर्त केले.लोहमार्ग पोलीस स्टेशनला गुन्हा दाखल करण्यात आला.
