सिंहस्थ कुंभमेळ्याच्या कामांचे भूमिपूजन व जिल्हा परिषदेच्या नवीन इमारतीचे उद्घाटन आज होणार

मंत्री दादाजी भुसे व विभागीय आयुक्त डॉ.प्रवीण गेडाम यांनी मुख्यमंत्री फडणवीस व उपमुख्यमंत्री शिंदे यांचे पुष्पगुच्छ देऊन स्वागत केले..

पोलीस वार्ता, नाशिक : सिंहस्थ कुंभमेळ्याच्या विविध विकास कामांच्या भूमिपूजन व जिल्हा परिषदेच्या नवीन इमारतीचे उद्घाटन या या शासकीय कार्यक्रमांसाठी मुख्यमंत्री देवेंद्र फडणवीस हे नाशिक मध्ये दाखल झाले असून त्यांचे ओझर विमानतळावर आगमन झाले. यावेळी त्यांच्यासोबत उपमुख्यमंत्री एकनाथ शिंदे देखील आले आहेत. शालेय शिक्षण मंत्री दादाजी भुसे यांनी मुख्यमंत्री फडणवीस व उपमुख्यमंत्री शिंदे यांचे पुष्पगुच्छ देऊन स्वागत केले. जिल्हा प्रशासनाच्या वतीने विभागीय आयुक्त डॉ.प्रवीण गेडाम यांनी स्वागत केले.

यावेळी आमदार डॉ. राहुल आहेर, सुहास कांदे, नाशिक परिक्षेत्राचे विशेष पोलिस महानिरीक्षक दत्तात्रय कराळे, पोलीस आयुक्त संदीप कर्णिक, नाशिक महानगर प्रदेश विकास प्राधिकरण आयुक्त जलज शर्मा, नाशिक महानगरपालिकेच्या अतिरिक्त आयुक्त करिश्मा नायर, जलसंपदा विभागाचे अधीक्षक अभियंता राजेश गोवर्धने, सार्वजनिक बांधकाम विभागाच्या अधीक्षक अभियंता अरुंधती शर्मा आदी मान्यवर उपस्थित होते.