सहा वर्षीय बालकाचा मृतदेह मिळाल्याने खळबळ

यावल – येथील बाबूजी पुरा मुस्लिम बांधव वस्तीत सहा वर्षीय बालकाचा मृतदेह शेजारच्याच घरात जळालेल्या अवस्थेत दुपारी साडेअकरा वाजेच्या सुमारास आढळून आला . मृत बालक शुक्रवारी सायंकाळ पासून बेपत्ता होता. कुटूंबियासह नातेवाईक, शेजारी, यानी रात्रभर बालकाचा शोध घेतला, आज त्याचा मृतदेह शेजारच्याच घरात आढळून आला. घटनेचे वृत्त कळताच पो. नि. रंगनाथ धारबळे व सहकारी घटनास्थळी पोहोचले. संतप्त नागरिकांनी प्रचंड गर्दी केली पोलीस आवाहनानंतरही गर्दी कमी होत नव्हती. फैजपूर उपविभागीय पोलीस उपअधीक्षक बडगुजर घटनास्थळी दाखल झाले असून दंगानियंत्रण पथकही दाखल झाले आहे. अद्याप घटनेचे कारण व आरोपी स्पष्ट झाले नाही.अप्पर पोलीस अधीक्षक अशोक नखाते यानीही घटनास्थळी भेट दिली असून सद्या परीस्थिती नियंत्रणात आहे.