सोमवारी वणी पोलीस ठाणे हद्दीत झालेल्या सायकल आणि ट्रकच्या अपघातात उपचारा दरम्यान सायकलवरील कामगारांचा मृत्यू

गंभीर जखमी असल्यामुळे देठे यांना पुढील उपचारासाठी वणीतून नागपूर येथे हलवण्यात आले परंतु रस्त्यातच त्यांचा मृत्यू झाला..

पोलीस वार्ता, (यवतमाळ) वणी : शहरातील गणेशपुर येथील वणी-मुकुटबन मार्गावर सोमवारी दि.25 ऑगस्ट 2025 रोजी, सायंकाळी 6 वाजेच्या सुमारास एका कामगाराचा सायकल वरून जात असताना ट्रकने दिलेल्या धडकेत अपघात झाला होता. आता उपचारा दरम्यान सायकल स्वाराचा मृत्यू झाल्याची घटना समोर आली आहे.

मिळालेली माहिती नुसार, अपघातात मृत्यू झालेले महेंद्र सदाशिव देठे, वय 40 वर्ष, रा-रंगनाथ नगर, वणी हे बांधकाम कामगार होते. ते काम पाहण्यासाठी आपल्या घरून सायकलवर सतिघाट नदी पुलावरून गणेशपुर गावाकडे जात होते. या दरम्यान पळसोनी – मुर्धोनी फाट्याजवळ मागून येणाऱ्या एका ट्रकने त्यांना जोरदार धडक दिली.

या अपघातात महेंद्र देठे हे गंभीर जखमी झाले होते. घटनेची माहिती वाहतूक पोलीस कर्मचाऱ्यांना मिळताच त्यांनी घटनास्थळी पोहचून जखमी देठे यांना उपचारासाठी जवळील वणीतील एका खासगी रुग्णालयात दाखल करण्यात आले होते. गंभीर जखमी असल्यामुळे देठे यांना पुढील उपचारासाठी वणीतून नागपूर येथे हलवण्यात आले परंतु रस्त्यातच त्यांचा मृत्यू झाला. अपघातानंतर वणी पोलिसांनी ट्रक चालकाविरुद्ध गुन्हा दाखल केला असून पुढील तपास करत आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532