आरोपीने दिलेल्या कबुली वरून एकूण 4 दुचाकी 105,000/- रू किंमतीचा मुद्देमाल जप्त केला आहे. या कारवाईत मागील दाखल गुन्हे उघडकीस आले आहेत..
पोलीस वार्ता, नाशिक : शहर परिसरात घडणाऱ्या चोरीच्या घटना आणि गुन्हेगारांवर कारवाई करण्याचे सक्त आदेश नाशिक शहर पोलीस आयुक्त श्री. संदिप कर्णिक साहेब यांनी पोलीस प्रशासनाला दिले आहे.
त्यानुसार नाशिक शहर गुन्हेशाखा युनिट-2 चे पथक दुचाकी चोरीच्या गून्ह्यातील आरोपींचा परीसरात शोध घेत असताना दि.11 एप्रिल 2025 रोजी पोह. मनोहर शिंदे व पोअं. महेश खांडबहाले यांना गुप्त माहीती मिळाली की, एक संशयित चोरीची विनानंबर प्लेट असलेली एचएस डिलक्स दुचाकी विक्रीसाठी गोदावरी नदीवरील, श्री. रामदास स्वामी पुल, टाकळी रोड, नाशिक याठिकाणी येणार आहे. सदर बातमी शहर गुन्हेशाखा युनिट-2 सपोनि. हेमंत तोडकर यांना देवून त्यांच्या मार्गदर्शनाने पोलीस पथक तयार करून पोउनि. यशवंत बेंडकोळी, सपोउनि शंकर काळे, पोह. मनोहर शिंदे, संजय सानप, पोअं. महेश खांडबहाले, तेजस मते यांना कायदेशीर कारवाई करण्याचे आदेशीत केले.
मिळालेल्या माहितीच्या आधारे गोदावरी लॉन्सच्या पुढे श्री. रामदास स्वामी समर्थ पुल, टाकळी रोडकडे जाणाऱ्या रस्त्यावर गुन्हेशाखा पथकाने सापळा लावून संशयी दिसताच त्याला ताब्यात घेऊन चौकशी केली. त्याचे नाव सौरभ रामा सातोटे, रा. समतानगर, टाकळी गाव, नाशिक असे कळले, त्याच्याकडून 1) 25,000/- रू किमंतीची काळ्या रंगाची त्यावर सिल्व्हर व निळ्या रंगाचे पट्टे असलेली दुकाची एमएच 15 डिएक्स 9216 जप्त करण्यात आली आहे. तसेच आरोपीने दिलेल्या कबुलीरून 2)40,000/- रू किमंतीची आणखीन हिरोहोडा कंपनीची स्प्लेंडर दुचाकी एमएच 15 सीडब्लु 1143 3)20,000/- रू किंमतीची एचएफ डीलक्स दुचकी एमएच 15 एफसी 7566 तसेच 4)20,000/- रू किमंतीची एक विनानंबर प्लेट असलेली निळ्या रंगाची दुचाकी अशा प्रकारे आरोपीने दिलेल्या कबुली वरून एकूण 4 दुचाकी 105,000/- रू किंमतीचा मुद्देमाल जप्त केला आहे. या कारवाईत उघडकीस आलेले गुन्हे आहेत..
1) उपनगर पोलीस ठाणे येथे दाखल असलेले गुरनं- 69/2025 भारतीय न्याय संहिता 2023 वे कमल 303(2) प्रमाणे आणि गुरनं- 351/2023 भादंवि कमल 379 प्रमाणे 2)मुंबईनाका पोलीस ठाणे येथे दाखल गुरनं- 284/223 भादंवि कमल 379 प्रमाणे या कारवाई माघील गुन्हे उघडकीस आले असून आरोपी सौरभ सातोटे आणि सागर सदावर्ते यांना पुढील कारवाईसाठी उपनगर पोलीस ठाण्याच्या ताब्यात देण्यात आले आहे.
