नदीचा पूल ओलांडताना पाण्याच्या प्रवाहात वाहन वाहून गेले असल्याची घटना 27 मे ला रात्री 10 वाजेच्या सुमारास घडली. यावेळी वाहनात दोन जण होते..
पोलीस वार्ता, (यवतमाळ) झरी : मान्सूनची राज्यात सुरुवात झाली असून झरी तालुक्यात मागील काही दिवसांपासून संततधार व मुसळधार पडणाऱ्या पावसामुळे नदी नाले तुडुंब भरले भरून वाहू लागले आहेत. त्यातच मंगळवारी दि.27 मे रोजी झालेल्या जोरदार पाऊसाने विदर्भा नदीच्या प्रवाहात प्रचंड वाढ झाली. नदीने धोक्याची पातळी गाठली, त्यामुळे कोसारा घाटातील पुलावरून पुराचे पाणी वाहू लागले, याच दरम्यान झरी तालुक्यातील डोंगरगाव येथील प्रवासी वाहनाचे भाडे मारून उमरीकडे परतत असताना त्यांचे टाटा मॅजिक वाहन नदीचा पूल ओलांडताना पाण्याच्या प्रवाहात वाहून गेले असल्याची घटना 27 मे ला रात्री 10 वाजेच्या सुमारास घडली. यावेळी वाहनात दोन जण होते. या अपघातात एक बचावला तर, चालक रामा कनाके, वय-55 वर्षे, रा. उमरी यांचा दुर्दैवी मृत्यू झालेला आहे.
