वणी-वरोरा महामार्गावरील ट्रक आणि दुचाकी अपघातात दुचाकीस्वार तरुणाचा जागीच मृत्यू..

अपघाताची माहिती मिळताच वणी पोलिसांनी घटनास्थळी धाव घेतली. पोलिसांनी पंचनामा करून मृतदेह वणी ग्रामीण रुग्णालयात पाठविला..

पोलीस वार्ता, यवतमाळ : वणी-वरोरा महामार्गावरील संविधान चौक येथे एका मालवाहू ट्रकने दुचाकीला दिलेल्या जोरदार धडकेत दुचाकीस्वार तरुणाचा जागीच मृत्यू झाला. ही घटना दि.5 फेब्रुवारी रोजी सकाळी 10.30 वाजता घडली. या घटनेने परिसरात हळहळ व्यक्त होत आहे.

सविस्तर वृत्त असे की, गणेश बदकी, वय 26, रा.मारेगाव, ता.मारेगाव, जि.यवतमाळ हा आपल्या खाजगी कामानिमित्त वणी येथे आला होता. आपले काम आटोपून तो गावाकडे परतत असताना वणी-वरोरा महामार्गावरील संविधान चौकाजवळ आला यावेळी भरधाव वेगाने येणाऱ्या मालवाहू ट्रकने, नंबर- सीजी 04 पीएच 0520 त्याच्या दुचाकीला एमएच 29 एबी 1563 जोरदार धडक दिली. या जबरदस्त अपघातात गणेश बदकी हा तरुण रस्त्यावर जोरात आपटला गेला आणि गंभीर जखमी झाला. अपघात इतका भीषण होता की, त्याचा जागीच मृत्यू झाला.

अपघाताची माहिती मिळताच वणी पोलिसांनी घटनास्थळी धाव घेतली. पोलिसांनी पंचनामा करून मृतदेह वणी ग्रामीण रुग्णालयात पाठविला. यावेळी अपघातस्थळी जमलेल्या नागरिकांनी महामार्गावरील वाढत्या अपघातांबाबत चिंता व्यक्त केली. अपघातग्रस्त ट्रक चालकाने घाबरून न पळता तो थेट वणी ठाण्यात हजर झाला. पोलिसांनी त्याच्यावर योग्य ती कारवाई करण्यास सुरुवात केली होती. दरम्यान, या अपघाताच्या घटनेचा प्राथमिक तपास पोलीस जमादार संतोष आढाव करीत आहेत.

महामार्गावरील अपघातांची वाढती मालिकेला कारण वणी-वरोरा महामार्गावरील वाहनांचा अतिवेग आहे, त्यात वाहतुकीच्या नियमांचे उल्लंघन आणि ट्रकचालकांची बेफिकिरी यामुळे निष्पाप नागरिकांना आपला जीव गमवावा लागत आहे. वणी यथील संविधान चौक परिसरात याआधीही अनेक अपघात झाले असून स्थानिक नागरिकांनी वाहतूक पोलिसांकडे अधिक उपाययोजना करण्याची मागणी केली आहे. अपघातामुळे गणेश बदकी या तरुणाच्या कुटुंबावर दुःखाचा डोंगर कोसळला.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532