यवतमाळ, वणी विधानसभा 2024; मतमोजणी केंद्राबाहेर राहणार तगडा पोलिस बंदोबस्त!

मतमोजणी केंद्राच्या परिसरात कॅमेरा व मोबाईल नेण्यास सक्त बंदी, उमेदवार, पत्रकार यांना मतमोजणी केंद्रात प्रवेश करता येणार नाही.

पोलीस वार्ता, वणी | राज्य विधानसभा निवडणूक 2024 निकालाची मतमोजणी 23 नोव्हेंबर 2024 रोजी सकाळी 8 वाजता पासून सुरू होणार आहे. यासाठी संबंधित मतदान मोजणी केंद्रावर कोणताही अनुचित प्रकार घडू नये यासाठी प्रशासनाने चोख पोलीस बदोबस्त केला आहे. यात मतमोजणी केंद्राच्या परिसरात कॅमेरा व मोबाईल, हत्यारे नेण्यास सक्त बंदी घातली आहे. मतदान मोजणी केंद्राच्या 100 मिटर परिसरात बंदी असून, उमेदवार, पत्रकार यांना मतमोजणी केंद्रात प्रवेश करता येणार नाही.

मतमोजणी केंद्र पासून 200 मिटर परिसरात सर्व प्रकारच्या वाहणास प्रतिबंद आहे, तसेच या परिसरातील येणारे सर्व दुकाने, व्यवसाय बंद राहतील, मतमोजणी परिसरात नारेबाजी किंवा सोशल मिडियावर चुकीची माहिती किंवा अफवा पसरविणाऱ्यांवर कडक कारवाई करण्यात येईल.

अप्पर पोलीस अधिकाऱ्यांसह, पोलीस निरीक्षक, सहाय्यक निरीक्षक व उपनिरीक्षक पोलीस अंमलदार, केंद्रीय सशस्त्र पोलीस बल, राज्य राखीव पोलीस बल असा सुरक्षा बदोबस्त मतमोजणी केंद्राच्या परिसरात राहणार आहे. असे आवाहान राज्य निवडणूक विभाग व पोलीस प्रशानाकडून करण्यात आले आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532