भुसावळ – मध्ये रेल्वे विभागातील शेगाव येथे जळगांव मेहरून येथील परिवार फिरण्यासाठी गेले होते.दुपारी ३:४५ वाजेचे सुमारास महाराष्ट्र एक्सप्रेसने (११०४०) जळगावला परतत असतांना जनरल डब्यातुन प्रवास करतांना दरवाज्याच्या आतून उभे असणारे काही इसमांनी महिलेची छेडखानी केल्याची घटना ता.२४ रोजी घडली.लोहमार्ग पोलीस स्टेशनला पाच युवकांविरुद्ध गुन्हा दाखल करण्यात आला.
जळगांव मेहरून येथील परिवार ता.२४ रोजी शेगावला फिरण्यासाठी गेला होता.अप महाराष्ट्र एक्सप्रेस (११०४०) दुपारी ३:४५ वाजेच्या सुमारास शेगाव रेल्वे फलकांवर थांबली.शेगाव येथे फिरण्यासाठी आलेला परिवार गार्ड बाजूकडून दुसऱ्या जनरल डब्यामध्ये प्रवास करीत असतांना रेल्वे स्टेशन शेगाव येथून ट्रेन सुटल्यानंतर पाच मिनिटांनी दरवाज्याच्या आतून उभे असणारे संशयित युवक युवराज हिम्मत पवार,हर्षल सुभाष पवार,प्रवीण मधुकर पवार,नरेंद्र संतोष पवार,चेतन योगेश पवार सर्व राहणार सिंदखेडा तालुका जिल्हा धुळे येथील असून प्रवास दरम्यान ट्रेन ची चैन ओढून महिलेची छेडखानी करून लज्जा उत्पन्न होईल असे कृत्य केल्याने पीडित महिलेने दिलेल्या फिर्यादीवरून ता.२४ रोजी लोहमार्ग पोलीस स्टेशन भुसावळ येथे गुन्हा दाखल करण्यात आलेला आहे.
