कार्यक्रमात पोवाडा, एकांकिका आणि नृत्याचे मनोहारी सादरीकरण, मनोगत व्यक्त करण्यात आले..
पोलीस वार्ता, नाशिक : मराठा विद्या प्रसारक समाज संस्थेच्या नाशिक येथील जनता विद्यालय, गोरेराम लेन येथे दि.27 फेब्रुवारी 2025, गुरुवारी रोजी ‘मराठी राजभाषा दिन’ तथा ‘विष्णू वामन शिरवाडकर’ उर्फ ‘कुसुमाग्रज’ यांची जयंती मोठ्या उत्साहात साजरी करण्यात आली. उपस्थित मान्यवरांच्या हस्ते प्रतिमापूजन व दिपप्रज्वलन करण्यात आले.
या कार्यक्रमाच्या अध्यक्षस्थान बाल शिक्षण मंदिर शाळेच्या ज्येष्ठ शिक्षिका श्रीमती आर.डी. देवरे यांनी देण्यात आले होते, तर प्रमुख पाहुणे म्हणून बाल शिक्षण मंदिर शाळेचे मुख्याध्यापक श्री.के.के.तांदळे हे उपस्थित होते. यावेळी व्यासपीठावर जनता विद्यालयाच्या मुख्याध्यापिका श्रीमती वाय.बी. गायधनी आणि ज्येष्ठ शिक्षिका श्रीमती के.एन. सोनवणे यांची देखील प्रमुख उपस्थिती होती.
कार्यक्रमाचे सुत्रसंचालन अनुष्का बगडाणे आणि दिपीका लहामगे या विद्यार्थिनींनी केले. कार्यक्रमाची सुरुवात गणेश वंदनेने झाली. कार्यक्रमात पोवाडा, एकांकिका आणि नृत्याचे मनोहारी सादरीकरण करण्यात आले. शिक्षिका सौ.के.एम. घुमरे व विद्यार्थी श्रेया इंगळे यांनी ‘मराठी राजभाषा दिना’ निमित्त’ मनोगत व्यक्त केले. श्रीमती के.एन. सोनवणे यांनी कविता सादर केली. नववीच्या विद्यार्थ्यांनी शिक्षकांचा सत्कार, कार्यक्रमाचे नियोजन व सादरीकरण केले. प्रीती देशमुख हिने आभारप्रदर्शन मांडले.
कार्यक्रमाचे यशस्वी नियोजन करण्यासाठी विद्यार्थ्यांना शिक्षिका श्रीमती के.एम.चव्हाण आणि सांस्कृतिक विभाग प्रमुख श्रीमती एस.एम. गायखे यांचे मार्गदर्शन लाभले.
