भुसावळ शहरात पूर्ववैमनस्यातून चाकू हल्ला; दोघे संशयित जेरबंद

दोन इसमांनी पूर्ववैमनस्यातून रिजवान शेख रहीम याच्यावर चाकूने मानेवर व पाठीवर सपासप पाच वार करून त्याला गंभीर जखमी केल्याची घटना घडली आहे..

पोलीस वार्ता, भुसावळ : शहरातील जाम मोहल्ला भागातील शालिमार हॉटेल जवळील डी.डी.सुपर कोल्ड्रिंक्स अँण्ड टी हाऊस दुकानांमध्ये तैरींम अहमद व नासिर अहमद ऊर्फे मस्तान शेख दोघे सव्वासात वाजेच्या सुमारास चहा पित असतांना पाच ते सहा इसमांनी तैरींम अहमद यास बंदुकीने गोळ्या झाडून त्याचा खून केल्याची घटना 10 जानेवारी 2025 रोजी घडली होती. या मागील घटनेची पुनरावृत्ती करून ‘खून का बदल खून’ या उद्देशाने पापा नगर भागातील गैसिया नगर कब्रस्थान येथे सकाळी 10.30 वाजेच्या सुमारास श्रद्धांजली अर्पण करून येत असताना कब्रस्थानच्या गेट समोर दोन इसमांनी पूर्ववैमनस्यातून रिजवान शेख रहीम याच्यावर चाकूने मानेवर व पाठीवर सपासप पाच वार करून त्याला गंभीर जखमी केल्याची घटना दि.31 मार्च रोजी घडली असून एल सी बी व बाजारपेठ ठाण्याचे पथकांनी संयुक्त कारवाई करीत दोघांना जेरबंद केले.

सविस्तर वृत्त असे की, खडका रोड भागातील इदगाह येथे मुस्लिम समाज बांधब ‘रमजान ईद सणा’निमित्त मोठ्या संख्याने एकत्र येऊन नमाज पठण करतात. यानंतर आपले पूर्वजांकडून झालेले गुन्ह्याची माफी मागण्यांसाठी पापा नगर भागातील गैसिया नगर कब्रस्थान येथे श्रद्धांजली(फातिमा) अर्पण करतात. यादरम्यान रिजवान शेख रहीम हा युवक साडे दहा वाजेला फातिमासाठी कब्रस्थान मध्ये आल्याची माहिती मुख्य आरोपी दानिश माया ऊर्फे अकिल शेख (वय-19) तसेच जकीरीया ऊर्फे बाबा शेख जुनेस गैस (वय-24) या दोघांना मिळाली. कब्रस्थानच्या गेट बाहेर दोघे पाळत ठेवून होते. रिजवान गेट समोर येताच दोघांनी त्याच्या मानेवर व पाठीवर चाकूने वार करून जबर जखमी केले. यावेळी रिजवान रक्ताच्या थारोळ्यात पडला होता. रुग्णवाहिकेतून जखमीला ग्रामीण रुग्णालय ट्रामा केअर सेंटरला येथे प्राथमिक उपचार करून जळगांव येथे खाजगी रुग्णालयात हलविले. चाकूने वार केल्याने रक्तस्त्राव मोठ्या प्रमाणात झाला होता. जखमी रिजवानची प्रकृती गंभीर असून पोनि. राहुल वाघ यांच्या मार्गदर्शनाखाली भुसावळ शहरातील बाजारपेठ पोलीस ठाण्यात गुन्हा दाखल करण्यात आला आहे.

वरिष्ठांच्या मार्गदर्शनाने एल सी बी पथकाचे पोलीस कर्मचारी सचिन पोळ, गोपाल गव्हाळे, कमलाकर बागुल,गजानन देशमुख,त्याचप्रमाणे बाजारपेठ ठाण्याचे गुन्हे शोध पथकातील विजय नेरकर, योगेश माळी, महेश चौधरी, सचिन चौधरी, प्रशांत परदेशी, राहुल वानखेडे, प्रशांत सोनार, अमर आढाळे, भूषण चौधरी यांच्या पथकाने संयुक्तरीत्या कारवाई करून आरोपींना घटनेच्या एक तासात अटक करून बाजारपेठ पोलीस ठाण्याच्या ताब्यात दिले आहे.

✍️पोलीस वार्ता संपादक: निलेश फिरके, भुसावळ, संपर्क: 09960333469