भुसावळ – शहरातील व परिसरातील सर्व महाविदयालये आणि शाळा यांच्यापासून 100 मीटर परिसरातील पानमसाला, गुटखा आणि तंबाखूजन्य पदार्थ विकणाऱ्या सर्व टपऱ्या आणि दुकानांवर शुक्रवार ता.२० डिसेंबर पासून भुसावळ नगरपालिका आणि उपविभागीय पोलिस अधिकारी यांच्या मार्गदर्शनाखाली पोलिस पथक संयुक्तपणे धडक मोहिम राबविणार आहेत.
नगरपालिका प्रशासनाच्या वतीने शहर आणि परिसरातील रस्त्यांवर आणि सार्वजनिक ठिकाणी उघड्यावर मटण, मांस आणि मासे विक्री करणाऱ्या अनधिकृत ४० पेक्षा जास्त व्यवसायिकांवर कठोर कारवाई करण्यात येणार असून त्यासाठी स्वतंत्र पथकाची नियुक्ती करण्यात आली आहे. यापूढे उघड्यावरती मांस विक्री कायमस्वरूपी बंद करण्यात येणार आहे. आपल्या परिसरात अशी दुकाने असल्यास तात्काळ नगरपालिका प्रशासनास कळवावे असे आवाहन करण्यात येत आहे
अनधिकृत बांधकाम आणि अतिक्रमण करणाऱ्या सर्व व्यवसायिक गाळे आणि दुकानावर लवकरच हातोडा पडणार असून त्याचे नियोजन अंतिम टप्यात आहे.
वर्षानुवर्ष नगरपालिकेची थकबाकी न भरणाच्या थकबाकीदारांची यादी तयार केली असून लवकरच (यांच्यावर मालमत्ता जप्ती, जप्ती बोजा बसवणे,मालमत्तेवर नगरपालिकेचा कब्जा आणि संबंधित मालमत्ता यांचा जाहिर लिलावाचे नियोजन केलेल आहे अशी माहिती उपविभागीय अधिकारी जितेंद्र पाटील यांनी प्रसिध्दी पत्रकाव्दारे कळविली आहे.
