पोलिसांना शहरातील कायदा व सुव्यवस्था राखण्यासाठी नेहमीच अपुऱ्या मनुष्यबळामुळे सहाय्यक पथक म्हणून होमगार्ड पथकाची मद्दत घ्यावी लागते..
पोलीस वार्ता, नाशिक : नाशिक ग्रामीण अप्पर पोलीस अधिक्षक मा.आदित्य मिरखेलकर साहेब यांच्या आदेशावरून महाराष्ट्र होमगार्ड संघटनेचे प्रशासिक अधिकारी सुरेश जाधव, केंद्रनायक हरून तडवी, सामग्री प्रबंधक सुभेदार शांतीलाल निनावे, शहर समादेशक कंपनी नायक दिनेश पवार यासर्व वरिष्ठांच्या मार्गदर्शनात गंगापूर रोडवरील नाशिक पोलीस मैदान येथील हॉल मध्ये रविवारी, दि.15 जून 2025 रोजी सकाळी 8 वाजता शहर वाहतुक नियंत्रण व वाहतूक कायद्यांविषयी प्रशिक्षण आणि मार्गदर्शन कार्यक्रमाचे नियोजन करण्यात आले होते.
महाराष्ट्र पोलीस दलाला राज्यात अंतर्गत सुरक्षा राखणे कामी सहाय्यकारी दल म्हणून महाराष्ट्र होमगार्ड संघटना नेहमी काम करत असते. पोलिसांना शहरातील कायदा व सुव्यवस्था राखण्यासाठी नेहमीच अपुऱ्या मनुष्यबळामुळे सहाय्यक पथक म्हणून होमगार्ड पथकाची मद्दत घ्यावी लागते याच अनुषंगाने..
-
वाहतूक कोंडी टाळण्यासाठी वाहतूक पोलिसांकडून करण्यात येणारे नियोजन,
-
वाहतुकीचे नियम न पाळणाऱ्यांवर करण्यात येणारी दंडात्मक कारवाई,
-
ड्रिंक अँड ड्राईव्ह कारवाई आणि दंड या विषयी माहिती दिली.
-
हेल्मेट, सेफ्टी बेल्ट, गाडीचे कागदपत्रे यासर्व बाबींची माहिती,
-
वाहतुकीच्या दंडात नव्याने झालेले वाढ आणि कायद्यातील बदल यांची माहिती,
-
रस्त्यावर चालताना सिग्नलचे पालन करणे,
-
अपघात किंव्हा इतर कारणामुळे झालेले वाहतूक कोंडी कशी नियंत्रणात आणावी आणि वाहतूक सुरळीत करावी,
-
पायी चालताना देखील सुरक्षेच्या दृष्टीने तो नियम पाळावे,
-
रोड सेफ्टीचे नियम आणि यासंदर्भात नागरिकांना जागृत करून त्यांना वाहतुकीचे नियम-कायदे पाळण्यास प्रवृत्त करणे.
या सर्व महत्त्वाच्या बाबींवर मार्गदर्शन शिबिर घेण्यात आले.
नाशिक शहर वाहतूक शाखेतील कार्यरत पोलीस हवालदार सचिन जाधव यांनी सर्व उपस्थित महाराष्ट्र होमगार्ड संघटनेच्या जवानांना वाहतुकीच्या कारवाई आणि कायद्या संदर्भात मार्गदर्शन केले. यासाठी शहर समादेशक, कंपनी नायक दिनेश पवार यांनी पोह. सचिन जाधव यांचे पुष्पगुच्छ देऊन त्यांचा सन्मान करून आभार मानले.
