नाशिक पोलीस आयुक्त आपल्या दारी कार्यक्रमात अंबड हद्दीतील खुटवड नगर पोलीस चौकी येथे नागरिकांशी थेट संवाद!

नागरिकांना सायबर क्राईम विषयी माहिती देण्यात आली. फ्रॉड कॉल, लिंक्स आणि भरगोस व्याज मिळण्याचे आमिष अश्या सर्व स्कीमला बळी पडू नये..

पोलीस वार्ता, नाशिक : महाराष्ट्र राज्य मुख्यमंत्री 100 दिवस कृती आराखद्याच्या अनुषंगाने नाशिक शहर पोलीस आयुक्त आपल्या दारी या उपक्रमाअंतर्गत दि.12 मार्च 2025 रोजी, अंबड पोलीस ठाणे हद्दीतील खुटवड नगर पोलीस चौकी येथे नाशिक शहर पोलीस उपायुक्त परिमंडळ-2 श्रीमती मोनिका राऊत यांनी नागरिकांशी परीसंवाद साधला.

यावेळी उपस्थित नागरिकांना सायबर क्राईम विषयी माहिती देण्यात आली. फ्रॉड कॉल, लिंक्स आणि भरगोस व्याज मिळण्याचे आमिष अश्या सर्व स्कीमला बळी पडू नये. तसेच आपली पर्सनल माहिती फोनवर कोणाला शेअर करू नये. यातून भविष्यात आर्थिक फसवणूक होऊ शकते. सायबर क्राईम पासून सावध राहण्यासाठी त्यांनी मार्गदर्शन केले.

कुठल्याही आपत्यकालीन परिस्थितीसाठी पोलिसांना माहिती देण्यासाठी 112 या टोल फ्री क्रमांकावर संपर्क करावा, आणि घटनेची माहिती द्यावी. त्यानंतर नाशिक पोलीस तात्काळ आपल्या मदतीला येतील, तसेच परिसरात गुन्हेगारी रोखण्यासाठी पोलिसांचे पेट्रोलिंग/गस्त जास्त वाढवले आहे. याची देखील माहिती त्यांनी स्थानिकांना दिली. व त्यांना आश्वासन दिले की, पोलीस तुमच्या रक्षणासाठी सतर्क आहे. याप्रसंगी मोठ्या संख्येने स्थानिक नागरिक उपस्थित होते.

✍️पोलीस वार्ता, प्रतिनिधी: गौतम जाधव, नाशिक, संपर्क: 9922838959