जिल्हास्तरीय मुख्यमंत्री वैद्यकीय सहाय्यता निधी कक्ष आणि धर्मादाय रुग्णालय मदत कक्षाचे उद्घाटन जलसंपदा मंत्री गिरीश महाजन यांच्या हस्ते..
पोलीस वार्ता, नाशिक : महाराष्ट्र राज्याच्या 66व्या स्थापना दिनानिमित्त जिल्हाधिकारी कार्यालय नाशिक येथे सुरू करण्यात आलेल्या जिल्हास्तरीय मुख्यमंत्री वैद्यकीय सहाय्यता निधी कक्ष आणि धर्मदाय रुग्णालय मदत कक्षाचे जलसंपदा (विदर्भ, तापी व कोकण खोरे विकास महामंडळ), आपत्ती व्यवस्थापन मंत्री गिरीश महाजन यांच्या हस्ते झाले.
यावेळी नाशिकचे विभागीय आयुक्त डॉ.प्रवीण गेडाम, जिल्हाधिकारी जलज शर्मा, तहसिलदार गणेश जाधव, वैद्यकीय अधिकारी डॉ.चैतन्य बैरागी, यांच्यासह अनेक अधिकारी उपस्थित होते.
मुख्यमंत्री वैद्यकीय सहायता निधी कक्ष, मुख्यमंत्री सचिवालय, महाराष्ट्र शासन, मंत्रालय, मुंबई यांच्या निर्देशानुसार नाशिक जिल्हाधिकारी कार्यालय येथे वैद्यकीय उपचाराकरिता नागरिकांना अर्थसहाय्य सहजपणे उपलब्ध व्हावेत तसेच नागरिकाचा वेळ व पैसा यांची बचत होवून मुख्यमंत्री वैद्यकीय सहाय्यता निधीच्या प्रकरणांची माहिती जिल्ह्यात उपलब्ध व्हावी यासाठी जिल्हाधिकारी कार्यालयात मुख्यमंत्री सहाय्यता निधी कक्ष स्थापन करण्यात आला आहे.
या कक्षांच्या माध्यमातून 28 फेब्रुवारी 2025 ते आजपावेतो जवळपास 134 नागरिकांना वेगवेगळ्या अजारा संदर्भातील व रूग्णालय संदर्भातील योजनेबाबत माहिती व मदत घेतली असून त्यापैकी 35 रूग्णांची नावे वैद्यकीय मदतीसाठी या कक्षामार्फत प्रस्तावित करण्यात आलेली आहेत.
जिल्ह्यातील नागरिकांनी मुख्यमंत्री सहाय्यता कक्षाशी निगडीत दुर्धर आजारांवरील उपचारासाठी तसेच आपत्ती प्रसंगी आर्थिक मिळविण्यासाठी जिल्हाधिकारी कार्यालय नाशिक येथील जिल्हास्तरीय मुख्यमंत्री सहाय्यता मदत कक्षाशी संपर्क साधावा, असे आवाहन जिल्हाधिकारी जलज शर्मा यांनी केले आहे.
जिल्हास्तरीय मुख्यमंत्री वैद्यकीय सहाय्यता निधी कक्षाद्वारे करण्यात आलेली मदत..
-
मुख्यमंत्री सहाय्यता व इतर आरोग्य योजना अनुरूप मार्गदर्शन केलेले रूग्ण संख्या- 95
-
कक्ष भेट व चौकशी निमित्त आलेले अभ्यागत संख्या- 134
-
आजपर्यंत प्रत्यक्ष दाखल प्रस्ताव संख्या- 35
-
दाखल प्रस्तावांपैकी मेल द्वारे मार्गदर्शन केलेले रूग्ण संख्या- 9
-
रूग्ण नातेवाईकांचे मुख्यमंत्री सहाय्यता कक्षाबाबत मिळालेले अभिप्राय- 12
