जी.आर.पी व आर.पी.एफ ची संयुक्त कारवाई
भुसावळ – येथील लोहमार्ग पोलीस ठाण्याचे निरीक्षक सुधीर धायरकर यांना गोपनीय माहिती मिळाली की,गांधीधाम एक्सप्रेसच्या स्लीपर कोच (१२९४४) मधून गांजाची वाहतूक करीत आहे.त्यांनी तात्काळ कर्मचाऱ्यांना दालनात बोलविले व रेल्वे सुरक्षा बल विभागालाही कळविले.दोघांनी संयुक्त कारवाई करीत ता २ रोजी रात्री साडेदहा वाजेच्या सुमारास ४२ किलो २८० ग्रॅम ओला गांजा आठ लाख ४५ हजार ६०० रुपये किंमतीचा कोच क्रमांक एस.५ मधून जप्त करून तीन संशयितांना अटक केली.
अंमली पदार्थ धंद्या विरुद्ध रेल्वे प्रशासनाचे मिशन सुरू आहे.
रात्रीची गस्त करीत असतांना लोहमार्ग पोलीस ठाण्याचे पोलीस निरीक्षक सुधीर धायरकर यांना गोपनीय माहिती मिळाली की, गांधीधाम पुरी एक्सप्रेस मधून गांजा वाहतूक करीत आहे.तात्काळ कर्मचारी विलास जाधव,जयकुमार कोळी, नितीन पाटील, बाबू मिर्झा तसेच आर.पी.एफ. विभागाचे पी.एस.आय.गीते, बोरेले, पचुराम मीना ,कुशवाह, भूषण पाटील,मिलिंद झोपी,श्वान पथक ए.एस.आय नागेराव, दिपक पाटील अशांनी गाडी तपासणी करीत आतांना कोच एस.५ जवळील शौचालय जवळ पांढऱ्या रंगाच्या गोण्या व बॅग जवळ गांजाचा वास आल्याने श्वान विरु थांबला. पथकाने सदरील बॅग तपासणी केली असता लाल रंगाचे १५ पाकिटे मिळून आली त्यामध्ये ४२ किलो २८० ग्रॅम ओलसर गांजा ८ लाख ४५ हजार ६०० रुपये किंमतीचा मिळून आला.सदरील कारवाई ही जळगांव रेल्वे स्टेशन येण्यापूर्वी काही अंतरावर करण्यात आली.गुन्ह्यातील संशयित नलूमालु जसवंत डोरा,वय २५ वर्षे, रा. भोलाभांजा,जिल्हा गंजम, ओडिशा.विप्र प्रकाश विद्याधर सेठी,वय १९ वर्षे, रा. गोपालपूर,ता.कोंडाला, जिल्हा गंजम,ओडिशा.अलक सुभाषचंद्र बारीक,वय २५ वर्षे, रा. धनंजयपूर,ता. कोंडाला, जिल्हा गंजम,ओडिशा अशांना मुद्देमाला सह ताब्यात घेवून अटक केली.
