आरपीआय, वीर योद्धा प्रतिष्ठान यांच्या संयुक्त विद्यमाने दोन एप्रिलचे हलगी नाद आंदोलन तात्पुरते स्थगित.!
पोलीस वार्ता, सातारा : पाडेगाव, तालुका खंडाळा आंबेडकर सोसायटी येथील बेकायदेशीर वराह पालन हटवण्याबाबत दि.24 मार्च 2025 रोजी निवेदन देऊन अल्टिमेट दिला होता. तसेच लवकरात लवकर पाडेगाव आंबेडकर सोसायटीमधील बेकादेशीर वराह पालन हटवावे अन्यथा येणाऱ्या 2 एप्रिल रोजी झोपेचे सोंग घेतलेल्या प्रशासनाला जागी करण्यासाठी हलगी नाद आंदोलन करू असा इशारा निवेदनात देण्यात आला होता. त्या अनुषंगाने प्रशासनाने ग्रामपंचायत पाडेगाव तालुका खंडाळा येथे बैठकीचे आयोजन केले होते. सदर त्या बैठकीमध्ये संबंधित वराह पालन मालक माने व इतर काही जणांनी लेखी आश्वासन दिले आहे. की, येणाऱ्या वीस दिवसात आम्ही पाडेगाव आंबेडकर सोसायटी लोकवस्ती येथील वराह पालन हटवू व तेथून दुसरीकडे दोन-चार किलोमीटरवर ते नेऊ असे लेखी लिहून दिल्यामुळे दि. 2 एप्रिलचे रिपब्लिकन पार्टी ऑफ इंडिया तसेच वीर योध्दा प्रतिष्ठानचे खंडाळा तहसीलदार ऑफिस समोर तसेच पंचायत समिती खंडाळा समोरील होणारे हलगी नाद आंदोलन तात्पुरते स्थगित करण्यात येत आहे.
सदर बैठक घडून आणण्याकामे ग्रामपंचायत पाडेगाव सरपंच, ग्रामपंचायत सदस्य, ग्रामविकास अधिकारी, पोलीस प्रशासन, यांचे मोलाचे सहकार्य लाभले तसेच याआधी निवेदन दिल्यानंतर हा विषय पत्रकार बंधूंनी उचलून धरल्यामुळे सदर प्रकरणास गती प्राप्त झाली. पाडेगाव आंबेडकर सोसायटी मधील बेकायदेशीर वराह पालन हटवावे यासाठी पत्रकार मित्रांनी ज्या प्रकारे बातम्या प्रसिद्ध केल्या व हा विषय उचलून धरला त्या सर्वच पत्रकार मित्रांचे देखील संघटनांच्या वतीने मनःपूर्वक आभार मानण्यात आले.
