कल्याण पोलीस गुन्हे शाखेची दमदार कामगिरी; अवघ्या काही तासात मंगळसूत्र चोरट्यांना केली अटक!

आरोपीं कडून अर्धा किलो सोन्याचे दागिने, मोबाइल, दुचाकी आणि कार अशी एकूण 50 लाख रुपयांचा ऐवज जप्त करण्यात आले.

पोलीस वार्ता, कल्याण | कल्याण पश्चिमेतील मुरबाड रस्त्यावर एक महिला दुपारच्या वेळेस पायी जात असताना दुचाकीवरून आलेल्या दोन इसमांनी तिच्या गळ्यातील 55 हजार रूपये किमतीचे सोन्याचे मंगळसूत्र हिसकावून पळ काढले. महिलेला सुरुवातीला गळ्यातील मंगळसूत्र चोरी झाल्याचे लक्षात आले नाही, पण तिने तत्काळ “चोर-चोर” अशी ओरड केली आणि चोरटे पळून गेले. महात्मा फुले पोलिस ठाण्यात या चोरीप्रकरणी तक्रार दाखल करण्यात आली आहे.

कल्याण पश्चिमेतील मुरबाड रस्त्यावरील सोन्याचे मंगळसूत्र चोरी प्रकरणी पोलिसांनी गुन्हा दाखल करून चौघा आरोपींना पकडले. गुन्हे शाखेचे पोलिस उपायुक्त अमरसिंह जाधव यांच्या मते, आरोपीं कडून अर्धा किलो सोन्याचे दागिने, मोबाइल, दुचाकी आणि कार अशी एकूण 50 लाख रुपयांचा ऐवज जप्त करण्यात आले. पकडलेले आरोपी आहेत: तौफिक हुसेन(29), मोहम्मद अली(36), अब्बास सल्लू जाफरी(27), आणि सुरज उर्फ छोट्या मनोज साळुंखे(19) या कारवाईत वरिष्ठ पोलिस निरीक्षक अजित शिंदे, सहा.निरीक्षक संतोष उगलमुगले, आणि उपनिरीक्षक विनोद पाटील यांचा महत्वाचा सहभाग होता.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334