कल्याण-डोंबिवली महापालिकेची प्रतिबंधित प्लास्टिक विरोधी कारवाई सुरूच..

पाहणी दरम्यान किरण स्टोअर या होलसेल दुकानात मोठ्या प्रमाणात प्रतिबंधित प्लास्टिकचा साठा आढळून आला..

पोलीस वार्ता, ठाणे : कल्याण-डोंबिवली महानगरपालिकेने प्लास्टिक विरोधी कारवाई सुरूच ठेवली आहे. कारवाई दरम्यान 120 किलो प्रतिबंधित प्लास्टिक साठ्यावर 25 हजार रूपये इतक्या रक्कमेची दंड आकारणी केडीएमसीकडून करण्यात आली आहे.

महापालिकेच्या अधिकाऱ्यांनी 3/क प्रभाग परिसरातील दुकानांची पाहणी केली असता, या पाहणी दरम्यान किरण स्टोअर या होलसेल दुकानात मोठ्या प्रमाणात प्रतिबंधित प्लास्टिकचा साठा आढळून आला. या दुकानात तब्बल 120 किलो प्रतिबंधित प्लास्टिक आढळल्याने संबंधित दुकानदारावर 25 हजार रूपये इतका दंड आकारण्यात आला. यापुढे देखील अश्या कारवाया होतच राहतील, अशी माहिती केडीएमसी अधिकाऱ्यांनी दिली आहे.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334