अवैध दारूसाठ्याची वाहतूक करणाऱ्या दोघांवर कारवाई करत आरोपींना मुद्देमालासह वणी पोलिसांकडू अटक!

आरोपींकडून 28 खोक्यांमध्ये एकूण 2800 नग 90 मिली. क्षमतेच्या देशी दारूच्या बाटल्या, आणि गाडी असा एकूण 5 लाख 12 हजार रुपयांचा मुद्देमाल जप्त..

पोलीस वार्ता, यवतमाळ : वणी पोलीसांनी अवैधपणे दारूसाठा वाहतूक करणाऱ्या दोन जणांना एका स्विफ्ट डिझायर गाडीसह सतीघाट, चिखलगाव रोडवरून अटक केली आहे.

वणी पोलीस ठाण्याचे पोह. नितीन गेडाम यांनी दिलेल्या माहितीनुसार, त्यांना माहिती मिळाली होती, सतीघाट, चिखलगाव रोडवर एक स्विफ्ट डिझायर गाडी संशयास्पदरित्या थांबलेली असून गाडीतून अवैध दारू वाहतूक केली जात आहे. तसेच गाडीत दोन जण आहेत.

या माहितीच्या आधारे वणी पोलीसांनी घटनास्थळी जावून पाहणी केली असता निळ्या रंगाची स्विफ्ट डिझायर गाडी क्र. एमएच 49 बी 5093 मोक्षधाम, सतीघाट, चिखलगाव येथे दिसून आली. गाडीची पाहणी केली असता, मागील सीटवर आणि डिक्कीमध्ये 28 खोक्यांमध्ये एकूण 2800 नग 90 मिली. क्षमतेच्या देशी दारूच्या बाटल्या आढळून आल्या, त्यांची किंमत 1 लाख 12 हजार रुपये इतकी. तसेच अवैधपणे

वाहतुकीसाठी वापरण्यात आलेली स्विफ्ट डिझायर गाडी, किंमत 4 लाख रुपये ही देखील जप्त करण्यात आली आहे. या कारवाईत आरोपी खुशाल शंकर चहारे (वय-37) रा. गुरूनगर, वणी आणि शाम संभाजी दुर्ग (वय-39) रा. दामले फैल, वणी या दोघांना अटक करण्यात आली आहे. आरोपींकडून एकूण 5 लाख 12 हजार रुपयांचा मुद्देमाल जप्त करण्यात आला आहे. आरोपींवर महाराष्ट्र दारूबंदी कायद्याच्या कलम 65(ई) आणि 65(अ) अंतर्गत वणी पोलीस ठाण्यात गुन्हा दाखल केला आहे. अधिक तपास पोलीस करत आहे.

सदरची कारवाई मा.उपविभागीय पोलीस अधिकारी(SDPO), वणी, गणेश किंद्रे यांच्या मागदर्शनात प्रभारी अधिकारी वणी पोलीस ठाणे, मसपोनि. प्रियंका चौधरी यांच्या आदेश्याने करण्यात आली. पथकात पोकॉ. श्याम राठोड, गजानन कुडमेथे, शंकर चौधरी यांचा देखील समावेश होता.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532