अल्लू अर्जुनला त्याच्या नुकत्याच प्रदर्शित झालेल्या ‘पुष्पा 2: द रुल’ या चित्रपटाच्या प्रीमियर दरम्यान एका महिलेच्या मृत्यूप्रकरणी काल हैद्राबाद पोलिसांनी अटक केली होती.
पोलीस वार्ता, हैदराबाद: ‘पुष्पा 2’ चित्रपटाच्या प्रदर्शनादरम्यान महिलेचा मृत्यू झाल्याप्रकरणी तेलंगणा उच्च न्यायालयाने… अभिनेता अल्लू अर्जुन शुक्रवारी चार आठवड्यांसाठी अंतरिम जामीन मंजूर करण्यात आला आहे. त्यानंतर आज सकाळी तो कारागृहातून बाहेर आला आहे. खरं तर, हैदराबाद कोर्टाने अभिनेत्याला 14 दिवसांची न्यायालयीन कोठडीत पाठवण्याचा आदेश दिला होता. त्यानंतर हे प्रकरण तेलंगणा उच्च न्यायालयात पोहोचले. जामीन मिळाल्यानंतरही या अभिनेत्याला एक रात्र तुरुंगात काढावी लागली. कारण शुक्रवारी रात्री उशिरापर्यंत कारागृह प्रशासनाला जामिनाची प्रत मिळाली नव्हती.
उच्च न्यायालयाने अभिनेत्याला अंतरिम जामीन मंजूर केला होता आणि या प्रकरणाच्या तपासात अधिकाऱ्यांना सहकार्य करण्याचे निर्देश दिले होते. अल्लू अर्जुनला त्याच्या नुकत्याच प्रदर्शित झालेल्या ‘पुष्पा 2: द रुल’ या चित्रपटाच्या प्रीमियर दरम्यान एका महिलेच्या मृत्यूप्रकरणी काल हैद्राबाद पोलिसांनी अटक केली होती आणि न्यायालयीन कोठडीच्या आदेशानंतर त्याला कडेकोट बंदोबस्तात चंचलगुडा तुरुंगात पाठवण्यात आले होते गेले
4 डिसेंबरच्या रात्री संध्या थिएटरमध्ये अभिनेत्याची एक झलक पाहण्यासाठी मोठ्या संख्येने चाहते जमले होते. याच चेंगराचेंगरीत रेवती या ३५ वर्षीय महिलेचा मृत्यू झाला असून तिचा आठ वर्षांचा मुलगा जखमी झाला आहे. हैदराबाद पोलिसांनी महिलेच्या कुटुंबीयांनी दाखल केलेल्या तक्रारीच्या आधारे चिक्कडपल्ली पोलीस ठाण्यात भारतीय न्याय संहिता (BNS) च्या कलम 105 आणि 118 (1) अंतर्गत अल्लू अर्जुन, त्याची सुरक्षा टीम आणि थिएटर व्यवस्थापनाविरुद्ध गुन्हा दाखल केला आहे.
-
पुढील सुनावणी 21 जानेवारीला होणार आहे.
11 डिसेंबर रोजी अल्लू अर्जुनने तेलंगणा उच्च न्यायालयात महिलेच्या मृत्यूप्रकरणी त्याच्याविरुद्ध नोंदवण्यात आलेला एफआयआर रद्द करण्याची विनंती केली होती. शुक्रवारी स्थानिक न्यायालयाने अर्जुनला न्यायालयीन कोठडीत पाठवल्यानंतर लगेचच उच्च न्यायालयाने त्याला चार आठवड्यांचा अंतरिम जामीन मंजूर केला आणि प्रकरणाची पुढील सुनावणी 21 जानेवारी 2025 पर्यंत पुढे ढकलली.
-
काँग्रेसवर निशाणा साधला?
