औषधी व सुगंधी वनस्पती लागवड घटकाकरिता केंद्र शासनामार्फत वर्ष 2025-26 मध्ये रूपये 440 लक्ष इतक्या कृती आराखड्यास मंजुरी..
पोलीस वार्ता, नाशिक : महाराष्ट्र राज्य फलोत्पादन आणि औषधी वनस्पती मंडळ, पुणे यांच्याकडून आवाहन करण्यात आले आहे की, एकात्मिक फलोत्पादन विकास अभियानांतर्गत सन 2025-26 या वर्षात औषधी व सुगंधी वनस्पती लागवड हा घटक नव्याने समावेश करण्यात आला आहे. यासाठी इच्छुक शेतकऱ्यांनी https://mahadbtmahait.gov.in/ या पोर्टलवर अर्ज सादर करावेत. अशी माहिती जिल्हा अधीक्षक कृषी अधिकारी, नाशिक यांनी दि.15 मे 2025 रोजी प्रसिद्ध केलेल्या पत्रकद्वारे कळविली आहे.
एकात्मिक फलोत्पादन विकास अभियानांतर्गत औषधी व सुगंधी वनस्पती लागवड घटकाकरिता केंद्र शासनामार्फत वर्ष 2025-26 मध्ये रूपये 440 लक्ष इतक्या कृती आराखड्यास मंजुरी प्राप्त आहे…
-
औषधी व सुगंधी वनस्पती पिक निहाय आर्थिक मापदंड कसे आहेत..
1) जेष्ठमध / मुलेठी, शतावरी, कालीहारी / कळलावी, सफेद मुसळी, गुग्गळ, मंजिष्ठा, कुटकी, अतिस, जटामासी, अश्वगंधा, ब्राम्ही, तुलसी, विदारीकंद, पिंपळी, चिराटा व पुष्करमूळ या औषधी वनस्पतींसाठी प्रतिहेक्टरी मापदंड रूपये 1 लाख 50 हजार असा असून सर्वसाधारण क्षेत्रामध्ये 40 टक्के आणि अधिसूचित क्षेत्रामध्ये 50 टक्के अर्थसहाय्य, लागवड साहित्य व आय.एन.एम/आय.पी.एम चा खर्च हा 2 हप्त्यामध्ये 2 हेक्टरच्या मर्यादेत देय आहे.
2) गुलाब, रोझमेरी, निशिगंध, जिरेनियम, कॅमोमाइल, चंदन, दवणा, जाई, लॅव्हेंडर या महाग सुगंधी वनस्पतींसाठी वनस्पतींसाठी प्रतिहेक्टरी मापदंड रूपये 1 लाख 25 हजार असा असून सर्वसाधारण क्षेत्रामध्ये 40 टक्के आणि अधिसूचित क्षेत्रामध्ये 50 टक्के अर्थसहाय्य, लागवड साहित्य व आय.एन.एम/ आय.पी.एम चा खर्च हा 2 हप्त्यामध्ये 2 हेक्टरच्या मर्यादेत देय आहे.
3) पामरोसा, गवती चहा, तुळस, व्हेटिव्हर, जावा, सिट्रोनेला, गोड तुळशीपत्र या सुगंधी वनस्पतींसाठी प्रतिहेक्टरी मापदंड रूपये 50 हजार असा असून सर्वसाधारण क्षेत्रामध्ये 40 टक्के आणि अधिसूचित क्षेत्रामध्ये 50 टक्के अर्थसहाय्य, लागवड साहित्य व आय.एन.एम/ आय.पी.एम चा खर्च हा 2 हप्त्यामध्ये 2 हेक्टरच्या मर्यादेत देय आहे, असेही प्रसिद्धी पत्रकात नमूद करण्यात आले आहे.
