रंजीता भोये हिने आत्तापर्यन्त 3 वेळा राज्यस्थरावर सहभाग घेत 1 रौप्य पदक आणि योगीनी भोये हिने आत्तापर्यन्त 5 वेळा राज्यस्थरावर भाग घेत 3 सुवर्ण पदक व 1 रौप्य पदक मिळवले आहे.
पोलिस वार्ता, सुरगाणा | तालुक्यातील घोडांबे येथील दोन सख्या बहिनिंची खेळाडू म्हणून राज्यस्थरावर निवड झाली आहे. महाराष्ट्र शासन शालेय शिक्षण व क्रिडा विभाग तसेच क्रिडा व युवक संचलनालय पुणे, नाशिक जिल्हा क्रिडा अधिकारी कार्यालय यांच्या मार्फत आयोजित विभागस्थरीय मैदानी क्रिडा स्पर्धांमध्ये घोडांबे येथील रहिवाशी भरत लक्ष्मण भोये यांच्या कन्या रंजीता भोये व योगिनी भोये यांची क्रमशः 4×400 मिटर रिले व 4 किमी धावणे (क्रासकंट्री) तसेच 800 मिटर धावणे या खेळामधून दोघींची राज्यस्थरावर निवड झाली आहे.
भरत लक्ष्मण भोये हे एक शेतकरी वर्गात जन्मलेले असून त्यांना खेळाविषयीची आवड त्यांनी त्यांच्या मुलांमध्ये रुजवली आणि त्याचेच फळ म्हणून त्यांच्या मुली आज राज्यस्थरावर निवड होऊन गेल्या आहे. रंजीता भोये हिने आत्तापर्यन्त 3 वेळा राज्यस्थरावर सहभाग घेऊन एक वेळेस रौप्य पदक पटकावले आहे. तसेच योगीनी भोये हिने आत्तापर्यन्त 5 वेळा राज्यस्थरावर सहभाग घेऊन 3 वेळा सुवर्ण पदक व एक वेळा रौप्य पदक घेतलेले आहे.
