जागृत श्री हनुमान मंदिरात महादेव पिंडीची प्राणप्रतिष्ठा
रजनी सावकारे यांच्या हस्ते शिवपिंडीचे पूजन; भाविकांची उपस्थिती
भुसावळ : शहरातील स्टेशन रोड परिसरातील हितवर्धिनी सोसायटीसमोरील जागृती श्री हनुमान मंदिरात महादेवाच्या पिंडीचा प्राणप्रतिष्ठा सोहळा भक्तिमय वातावरणात पार पडला. यावेळी सौ. रजनी संजय सावकारे यांनी कार्यक्रमास भेट देऊन त्यांच्या हस्ते महादेवाच्या शिवपिंडीचे विधिवत पूजन करण्यात आले. तसेच होम-हवनाचे पूजन करण्यात आले.
या धार्मिक कार्यक्रमाचे आयोजन यशवंत लक्ष्मण बनसोडे, नारायण कोळी, राजू सराफ, कैलास चौधरी, सुभाष चौधरी, मोहन सोनवणे, लक्ष्मण चौधरी, अनिल पाटील तसेच मंदिराचे पुजारी रमेश थेटे यांच्या उपस्थितीत करण्यात आले. प्राणप्रतिष्ठा सोहळ्यादरम्यान विधिवत धार्मिक पूजा-अर्चा, होम-हवन करण्यात आल्याने परिसरात भक्तिमय वातावरण निर्माण झाले होते.
कार्यक्रमास सौ. रजनी संजय सावकारे यांनी वेळात वेळ काढून उपस्थित राहून शिवपिंडीचे पूजन केले. त्यांच्या उपस्थितीबद्दल आयोजकांनी आभार व्यक्त केले. तसेच नामदार संजय वामनराव सावकारे, वस्त्रोद्योग मंत्री, महाराष्ट्र राज्य यांचेही आयोजकांकडून आभार मानण्यात आले. भविष्यातही असेच सहकार्य लाभावे, अशी अपेक्षा आयोजकांनी व्यक्त केली.
