भुसावळ पोलीस ठाणे अंमलदारांचा त्यांच्या पोलीस सेवेतील कामगिरी बद्दल त्यांस बक्षीस देवून गौरविण्यात आले..
भुसावळ – पोलीस उपविभागातील शहर पोलीस स्टेशन, बाजारपेठ पोलीस स्टेशन, तालुका पोलीस स्टेशन, नशिराबाद पोलीस स्टेशन तसेच शहर वाहतूक शाखेतील ठाणे अंमलदार यांना त्यांचे पोलीस सेवेतील उपविभागीय पोलीस अधिकारी कृष्णात पिंगळे यांच्या माध्यमातून उत्कृष्ट कामगिरी बद्दल बक्षीस देवून गौरवण्यात आले.
यादरम्यान पोलीस अधीक्षक डॉ.महेश्वर रेड्डी, अप्पर पोलीस अधिक्षक अशोक नखाते, जळगांव परिमंडळ यांच्या मार्गदर्शनाखाली पोलीस ठाण्यामध्ये उत्कृष्ट काम करणारे पोलीस अंमलदार यांचे कौतुक करण्यासाठी तसेच त्यांचे मध्ये संधिक भावना निर्माण व्हावी व दैनंदिन कामकाजामध्ये उकृष्ठ काम करण्याची प्रेरणा निर्माण करण्यासाठी 7 ऑक्टोबर रोजी आयोजित गुन्हे शाखेच्या बैठकीच्या दरम्यान शहर पोलीस स्टेशनचे अंमलदार नेव्हील जॉर्ज बार्टले, बाजारपेठ पोलीस स्टेशनच्या महिला अंमलदार वनिता बाविस्कर, तालुका पोलीस स्टेशनचे अंमलदार जितेंद्र साळुंके, नशिराबाद पोलीस स्टेशनचे शरद भालेराव, शहर वाहतूक शाखा विभागाचे अंमलदार विजय पाटील या सर्वांना माहे-ऑक्टोबर 2024 “पोलीस स्टेशन एम्प्लॉई ऑफ-द-मंथ” म्हणून एक हजार रुपये रोख व प्रमाणपत्र देऊन गौरविण्यात आले.
-पोलीस वार्ता न्यूज,भुसावळ.
