भुसावळ – येथील उपविभागीय अधिकारी यांचे तापी सभागृहामध्ये जिल्हाधिकारी जळगाव यांची सार्वत्रिक निवडणुक 2024 अंतर्गत 12-(अ.जा.) भुसावळ विधानसभा मतदारसंघ करिता आढावा बैठक झाली.
सदरील बैठकीमध्ये जिल्हाधिकारी आयुष प्रसाद जळगाव यांनी सर्व कर्मचाऱ्यांना अतिशय काळजीपूर्वक व अचूकपणे कामे पूर्ण करावीत अशा सूचना दिल्या.परवाना कक्ष
एकल खिडकी योजना..यांना कोणत्याही परवानगी घेतांना एकही त्रुटी असेल तरी अर्ज स्वीकारायचा नाही अशा सूचना दिल्या.
निवडणुक कार्यकाळात कायदा व सुव्यवस्था राखण्यासाठी प्रतिबंधात्मक कारवाई करावी.निवडणुकीवर प्रभाव टाकणारी सामग्री रोखण्यासाठी चौक्या उभारण्यात याव्यात. विविध पथके निर्माण करावे त्याकरीता मनुष्यबळ उपलब्ध करून घ्यावे. निवडणूक संबंधित तक्रारींसाठी तयार करण्यात आलेल्या सी-व्हिजिल मोबाईल आपवर लक्ष ठेवावे. तात्काळ निराकरण करावे. मतदार जनजागृती मोहीम प्रभावीपणे राबवण्यात यावी.
तसेच जिल्हाधिकारी आयुष प्रसाद यांनी बैठकी आधी तहसील कार्यालय गोदामातील ईव्हीएम पॅड व यंत्राची पाहणी करून सुरक्षीतते विषयी माहिती जाणून घेतली. पाऊस आल्यास कुठे गळती आहे का किंवा अनावधानाने आग लागल्यास अग्निशमन व्यवस्था चोख ठेवावी असे सांगितले.
12- भुसावळ विधानसभा मतदार संघाचे निवडणूक निर्णय अधिकारी तथा उपविभागीय अधिकारी जितेंद्र पाटील,
उपविभागीय पोलीस अधिकारी कृष्णात पिंगळे, सहा. निवडणूक निर्णय अधिकारी तथा तहसीलदार नीता लबडे मॅडम, सहा अधिकारी तथा मुख्याधिकारी राजेंद्र फातले, सहा.निवडणूक निर्णय अधिकारी सचिन पानझाडे उपस्थित होते.
तसेच संत गाडगे महाराज शाळेकडून मतदार राजा जागा हो यावर विद्यार्थिनींनी जिल्ह्याधिकारी आयुष प्रसाद यांच्या उपस्थितीत पथनाट्य सादर करून दाखवले.निवडून आलेले उमेदवार पाच वर्षात कधी तोंड दाखवत नाही तसेच निवडणुकीत दिलेली आश्वासने ही पूर्ण करीत नाही अशा पुढाऱ्याल कदापी निवडून दयायचे नाही.निवडणूक आली की,हेच पुढारी पैसे वाटतात हजार,दोन हजार,पाच हजार असे कुठल्याही पैशाने बळी न पडता आपला मतदानाचा हक्क बजवा व एक चांगले सरकार निवडून दया असे आव्हाहन नागरीकांना पथनाट्याच्या माध्यमातून करण्यात आले.याप्रसंगी उपविभागीय अधिकारी जितेंद्र पाटील,तहसीलदार निता लबडे,गट शिक्षणाधिकारी किशोर वायकोळे तसेच शाळेचे शिक्षक वृंद उपस्थित होते.
