गुन्हेशाखा युनिट-1 पथक नाशिक परिसरात शोध घेत असताना आरोपी अन्नपुर्णा हॉटेलच्या बाजुला एम.जी.रोड येथे मिळून आल्याने त्यास शिताफीने ताब्यात घेण्यात आले..
पोलीस वार्ता, नाशिक : राज संदिप शेळके यांना दि.18 जानेवारी 2025 रोजी, रात्री 8:30 वाजेच्या दरम्यान बिर्यानी ऑर्डर मिळाल्या नंतर ते ऑर्डर घेऊन सागर जाधव या नावाच्या पत्यावर गेले, तेथे सागर जाधव व त्याच्या तीन साथीदारांनी बाबा, आजु, दुर्गेश यांनी राज शेळके यांच्याकडून बिर्यानी घेऊन त्यांना वाईट-साईट शिवीगाळ केली, धारदार शस्त्राच्या उलटया बाजुने शेळकेंच्या हातापायावर मारहाण करून त्यांच्या खिश्यातील रोख रक्कम 800/- रूपये व फोन बळजबरीने ताब्यात घेवुन त्यांचे गुप्तांग दाबुन जिवे मारण्याची धमकी देत फोन-पे वरून 5 हजार रूपये काढुन घेतले अशी तक्रार फिर्यादी राज शेळके यांनी दिली होती त्यावरून गुन्हा दाखल करण्यात आला होता.
त्यानुसार गुन्ह्यातील आरोपी अवधुत जाधव यांचा शोध घेणेबाबत मा. वरिष्ठांकडुन आदेश देण्यात आले होते. त्याची माहीती काढत असतांना पोह. प्रशांत मरकड व पोना. विशाल देवरे यांना गुप्त माहिती मिळाली की, आरोपी अवधुत जाधव हा एम.जी. रोड भागात फिरत आहे.
