भुसावळ : शहरातील हुडको कॉलनी परिसरातील रानातले महादेव मंदिराजवळील नाल्यात एका अनोळखी व्यक्तीचा कुजलेल्या अवस्थेतील मृतदेह आढळून आल्याने परिसरात खळबळ उडाली. मृत व्यक्तीचे वय अंदाजे ३५ ते ४५ वर्षे असल्याची प्राथमिक माहिती आहे.
रानातले महादेव मंदिराजवळील नाल्याच्या परिसरातून जात असताना राजेश सुरेश जैन (वय ३७) यांना दुर्गंधी जाणवली. त्यामुळे त्यांनी थांबून नाल्याची पाहणी केली असता त्यांना नाल्यात एक व्यक्तीचा मृतदेह आढळून आला. मृतदेह कुजलेल्या अवस्थेत असल्याचे दिसून आले.
या घटनेची माहिती मिळताच भुसावळ बाजारपेठ पोलिस ठाण्याचे अधिकारी व कर्मचारी घटनास्थळी दाखल झाले. पोलिसांनी परिसराची पाहणी करून मृत व्यक्तीची ओळख पटविण्याचे काम सुरू केले आहे. मृतदेहाची ओळख पटविण्यासाठी पोलिसांकडून तपास करण्यात येत असून, मृत्यूचे नेमके कारण शवविच्छेदनानंतर स्पष्ट होणार आहे. या प्रकरणी पुढील तपास बाजारपेठ पोलिस करीत आहेत.
