पुण्यश्लोक अहिल्यादेवी होळकर स्मारक सोहळा; आमदार गोपीचंद पडळकर आणि सदाभाऊ खोत यांची उपस्थिती!

आमदार गोपीचंद पडळकर यांच्या संकल्पनेतून सार्वजनिक बांधकाम विभागाने या स्मारकाचा जीर्णोद्धार केला आहे..

पोलीस वार्ता, नाशिक : पुण्यश्लोक अहिल्यादेवी होळकर यांच्या स्मारकाचा लोकार्पण सोहळा नाशिकमध्ये दि.27 जुलै 2025 रविवार रोजी, सकाळी आयोजित करण्यात आला होता.

नाशिकरोड परिसरातील दुर्गादेवी मंदिर परिसरात नूतनीकरण करून पुण्यश्लोक अहिल्यादेवी होळकर यांचे स्मारक उभारण्यात आले आहे. आमदार गोपीचंद पडळकर यांच्या संकल्पनेतून सार्वजनिक बांधकाम विभागाने या स्मारकाचा जीर्णोद्धार केला आहे. या लोकार्पण सोहळ्या प्रसंगी मंत्री गिरीष महाजन, आ.गोपीचंद पडळकर, आ.सदाभाऊ खोत व आ. देवयानी फरांदे उपस्थित होते.

यावेळी कार्यक्रमासाठी नागरिक मोठ्या संख्येने उपस्थित होते. जलसंपदा मंत्री गिरीष महाजनांनी स्मारकाचे लोकार्पण केले, त्यांनी बोलताना सांगितले, पुण्यश्लोक अहिल्यादेवी होळकर यांनी विविध मंदिरांचा जीर्णोद्धार केला आहे, नद्यांवर घाट बांधले, बारव, विहिरी बांधून जलसंवर्धनाचे काम त्यांनी त्यांच्या काळात केले आहे.

अहिल्यादेवी होळकर यांचे स्मारक तयार झाले असून नाशिकरोड परिसरात आता लोकांसाठी हे खुले करण्यात आले आहे.