नरहरी बळवंत ठाकूर विधी महाविद्यालयात शिक्षक दिन साजरा करत डॉ.सर्वपल्ली राधाकृष्णन यांना जयंतीदिनी अभिवादन!

डॉ.सर्वपल्ली राधाकृष्णन यांच्या प्रतिमेला प्राचार्य डॉ.कादरी सर यांच्या हस्ते पुष्पहार अर्पण करून विद्यार्थी व शिक्षकांकडून जयंती साजरी..

पोलीस वार्ता, नाशिक : गोखले एज्युकेशन सोसायटी प्रणित नरहरी बळवंत ठाकूर विधी महाविद्यालयात 5 सप्टेंबर 2025 हा ‘शिक्षक दिन’ उत्साहात साजरा झाला. डॉ.सर्वपल्ली राधाकृष्णन यांच्या जयंतीनिमित्त ‘शिक्षक दिवस’ विद्यार्थ्यांकडून शिक्षकांप्रती आदर व सन्मान व्यक्त करण्यासाठी दर वर्षी देशात साजरा केला जातो.

एन.बी.ठाकूर लॉ कॉलेज(N.B.T Law College) मध्ये देखील जयंतीनिमित्त डॉ.सर्वपल्ली राधाकृष्णन यांच्या प्रतिमेला प्राचार्य डॉ.कादरी सर यांच्या हस्ते पुष्पहार अर्पण करून विद्यार्थी व शिक्षकांकडून जयंती साजरी करण्यात आली.

याप्रसंगी डॉ.सर्वपल्ली राधाकृष्णन यांच्या कार्याची माहिती देत असताना डॉ.कादरी सर म्हणाले, भारतात सर्वत्र ‘शिक्षक दिन’ डॉ.सर्वपल्ली राधाकृष्णन यांच्या जयंतीदिनी साजरा करण्यात येतो, एक विद्यार्थी आणि शिक्षकांचे नाते हे एक अतूट बंधन असून शिक्षक नेहमी विद्यार्थ्यांना मार्गदर्शन करत असतात, त्यांच्या ज्ञानात भर टाकत असतात. विद्यार्थ्यांनी शिक्षकांकडून जेवढे शिकता येईल तेवढे शिकावे. आणि आपल्या आयुष्यात त्या चांगल्या गोष्टींना आत्मसात करून स्वतःची प्रगती करावी. एवढे बोलून त्यांनी उपस्थित विद्यार्थ्यांचे व शिक्षक वृंदाचे कौतुक करून आयोजित कार्यक्रमानिमित्त अभिनंदन केले.

यावेळी विद्यार्थी विशाखा राजपूत, मयुरी ठोके, संतोष गायकर, प्रांजली राठी, संदिप जावरे, साहिल साखरे, समर्थ खर्डे, कल्याणी मराठे, आयशा मणियार, यश चौधरी, भुवनेश्वरी खंबायत, पल्लवी उदावंत, केशर कृष्णा, मयूर सूर्यवंशी, मेघा निकम, सेजल गजभिये, गौरी साबळे, सिद्धार्थ कोल्हे आदी मोठ्या संख्येने उपस्थित होते.