पोलीस आयुक्त कर्णिक साहेब यांचे शहरात शस्त्र व जमावबंदी आदेश, उल्लंघन केल्यास होणार कारवाई!

आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार..

पोलीस वार्ता, नाशिक : शहरात कायदा व सुव्यवस्था अबाधित राखण्यासाठी नाशिक पोलीस आयुक्त मा.संदीप कर्णिक साहेब शस्त्र व जमावबंदी आदेश जारी केला आहे. मुंबई पोलीस अधिनियम 1951 चे 37(1) (3) अन्वये नाशिक शहरात 16 सप्टेंबर 2025 रोजी मध्यरात्रीपासून ते 30 सप्टेंबर 2025 रोजी रात्री 12.00 वाजेपर्यंत आदेश लागू राहील.

सदरचे आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलीस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू नाही. या आदेशाचे उल्लंघन केल्यास संबंधितावर महाराष्ट्र पोलीस कायदा 1951 चे कलम 135 अन्वये कारवाई करण्यात येईल, असेही नाशिक पोलीस आयुक्त कर्णिक यांनी आदेशात म्हटले आहे.