शिवीगाळ, आरडाओरड करून रहिवाश्यांना धमकावत होता तसेच लोकांच्या मागे लागत असल्याने तेथील लोक, महिला घाबरून सैरावैरा पळत होते..
पोलीस वार्ता, नाशिक : शहर परिसरातील चोरी, घरफोड्या तसेच गुन्ह्यातील फरार चोर, गुन्हेगारांचा तपास करणे व अवैध रित्या शस्त्र बाळगणाऱ्या सराईतांचा शोध घेऊन कारवाई करण्याचे आदेश नाशिक शहर पोलीस आयुक्त श्री.संदिप कर्णिक साहेब यांनी शहर पोलीस गुन्हेशाखा व संबंधित पोलीस ठाण्याना दिले आहेत.
त्यानुसार शहरात तपास करत असताना नाशिक शहर गुन्हेशाखा युनिट-1 च्या पथकातील पोअं विलास चारोस्कर यांना दि.25 सप्टेंबर 2025 रोजी गुप्त माहिती मिळाली की, दोन जण हातात धारदार हत्यार घेऊन राजगृह बुध्दविहार, दिंडोरीरोड, म्हसरूळ परीसरातील येणाऱ्या-जाणाऱ्या लोकांना धमकावून दहशत माजवत आहे. सदर माहिती शहर गुन्हेशाखा युनिट-1 चे वपोनि डॉ. अंचल मुदगल यांना देऊन त्यांच्या मार्गदर्शनात पोउनि सुदाम सांगळे, पोह रमेश कोळी, रविंद्र आढाव, महेश साळुंके, रोहिदास लिलके, पोअं विलास चारोस्कर, नितीन जगताप, राहुल पालखेडे, आप्पा पानवळ, जगेश्वर बोरसे, राम बर्डे, गोरक्ष साबळे, मपोअं. अनुजा येलवे, पोअं. समाधान पवार यांचे पोलीस पथक तयार करून माहितीच्या आधारे म्हसरूळ परिसरात जाऊन सापळा लावण्यात आला. काही वेळातच दोन संशयित दिसून आले त्यातील एकाच्या हातात धारदार कोयता दिसला, तो ओरडत होता “भैचोद, मादरचोद अश्या शिवीगाळ करून मी या भागातील भाई आहे, कोणी माझ्या समोर आला तर त्याला कापून टाकतो” असे मोठमोठ्याने आरडाओरड करून रहिवाश्यांना धमकावत होता तसेच लोकांच्या मागे लागत असल्याने तेथील लोक, महिला घाबरून सैरावैरा पळत होते.
गुन्हेशाखा पथकाने हे बघताच त्याचा पाठलाग करून त्याच्या हातातील कोयत्या ताब्यात घेतला. आणि दोघा दहशत पसरवणाऱ्यांना पकडून त्यांची नावे विचारले, त्यांनी नावे 1) हर्ष प्रदिप काकडे (वय-21), रा. ओमकार नगर, किशोर सुर्यवंशीमार्ग, म्हसरूळ नाशिक, 2) राज संजय भोये (वय-19) रा. अश्वमेध नगर, आर.टी.ओ ऑफीस जवळ, पेठरोड, पंचवटी, नाशिक असे सांगितले. त्याच्या अंगझडतीत एक कोयता, दोन कोपर असे एकुण 1500/- रूपये किंमतीचे हत्यारे जप्त करण्यात आले.
ताब्यात घेण्यात आलेले दोन्ही आरोपी हे सराईत असून त्यातील हर्ष प्रदिप काकडे याच्यावर..
1) म्हसरूळ पोलीस ठाण्यात गु.र.नं- 63/2022, 85/2023, 130/2023, 172/2024, 135/2025,
2) पंचवटी पोलीस ठाण्यात गु.र.नं- 301/2024 या प्रमाणे गुन्हे दाखल आहेत.
