साताऱ्यात मंत्री देसाई यांच्या दुखापत प्रकरणी शिवसेना कार्यकर्त्यांकडून तीव्र शब्दात निषेध व्यक्त!

झटापटीत सातारा जिल्ह्याचे पालकमंत्री मा.शंभुराजे देसाई यांच्या हाताला दुखापत..

पोलीस वार्ता, सातारा : सर्व राज्याचे लक्ष लागून राहिलेल्या सातारा जिल्हा परिषद निवडणूकीत जिल्हा परिषद अध्यक्ष, उपाध्यक्ष पदाच्या निवडी दरम्यान शिवसेना, राष्ट्रवादी यांना स्पष्ट बहुमत संख्या प्राप्त असतांना भारतीय जनता पार्टीने नेहमी प्रमाणे कुटनीती वापरून दोन सदस्यांवर प्रशासकीय दबाव आणून त्यांच्यावर गुन्हा दाखल केले. त्यांना मतदान करू दिले नाही व झालेल्या झटापटीत सातारा जिल्ह्याचे पालकमंत्री मा.शंभुराजे देसाई यांच्या हाताला दुखापत झाली. या घडलेल्या घटनेच्या निषेधार्थ शिवसेना उंब्रज विभाग व कराड नगरीचे लोकनियुक्त नगराध्यक्ष राजेंद्र सिंह यादव बाबा, युवा मंच(उंब्रज विभाग) यांच्या वतीने तीव्र शब्दात निषेध व्यक्त करण्यात आला व पालकमंत्री शंभुराजे देसाई यांच्या रक्ताच्या एकनं-एक थेंबाची किंमत विरोधकांना चुकव्हावी लागेल. अशी संतप्त प्रतिक्रिया स्थानिक शिवसैनिकांकडून व्यक्त करण्यात आली आहे.

यावेळी निषेध करण्यासाठी शिवसैनिक सचिन भैय्या जाधव, दीपक हजारे, योगेश पोळ, रवींद्र जाधव, राहुल जाधव, गणेश हजारे, ओंकार भोसले, सचिन जाधव, प्रकाश बनसोडे, प्रथमेश लादे, विराज काकडे, अर्जुन यादव, आदित्य चौगुले, सुजल गडकरी, राहुल आटोळे, गणराज पवार, ओमकार कांबळे, हर्षद जाधव, संदेश बेळगावकर, उमेश बानमारे आदी मोठ्या संख्येने उपस्थित होते.