भुसावळ – शहरातील शहर पोलीस स्टेशन हद्दीतील कोर्ट परिसरात एका महिलेच्या मोटरसायकलच्या डिक्की मधून एक गावठी कट्टा पोलीसांना मिळून आल्यांची घटना ता.१४ रोजी दुपारी एक वाजेला सुमारास घडली.
सविस्तर वृत्त असे की,भुसावळ शहर पोलीस स्टेशनचे कर्मचाऱ्यांना गोपनीय माहिती मिळाली,की कोर्ट परिसरात सुझुकी कंपनीच्या मोटरसायकलच्या डीक्की मध्ये एका महिलेने गावठी कट्टा लपविलेला आहे.पोलिसांनी मिळालेल्या माहितीच्या आधारे मोटरसायकलाचा
शोध घेतला असता कोर्ट परिसरात एम.एच.१९ एल.के ६२२१ क्रमाकांची मोटरसायकल मिळून आली.पोलिसांनी मोटरसायकलची डिक्की उघडली असता त्यामध्ये एक गावठी कट्टा मिळून आला. सदरील मोटरसायकल तसेच महिला सह गावठी कट्टा पोलिसांनी ताब्यात घेतला. पोलीस निरीक्षक उद्धव डमाळे यांच्या मार्गदर्शनाखाली शहर पोलीस स्टेशनला गुन्हा दाखल करण्यात आला आहे.
सदरील महिला ही आग वाली चाळ परिसरात गेले पंधरा वर्षांपासून वास्तवाला आहे.यापूर्वी महिला ही कल्याण येथे वास्तवाला होती.
