राष्ट्रवादी काँग्रेस पक्ष (शरदचंद्र पवार) तरुणांना संधी देणार 

पोलीस वार्ता, भुसावळ : आगामी पालिका निवडणुकीचे बिगुल वाजल्याने नगराध्यक्ष व नगरसेवक निवडणुकीसाठी इच्छुक उमेदवारांनी धावपळ चालू झाली आहे. त्यात राजकीय पक्षांच्या देखील बैठका व मुलाखती सुरू झाल्या आहेत. भुसावळ नगरपरिषद निवडणुकीसाठी राष्ट्रवादी काँग्रेस पक्ष, शरदचंद्र पवार या पक्षाच्या वतीने यंदा नवीन तरुणांना संधी दिली जाणार असल्याचे सांगण्यात आले आहे. त्यासाठी संतोषभाऊ चौधरी यांच्या शहरातील जनसंपर्क कार्यालयात जय सियाराम कॉम्प्लेक्स, शनी मंदिर वार्ड, भुसावळ येथे इच्छुकांना पक्ष सोडून अर्ज उपलब्ध करून दिले आहे. त्यांनी ते भरून तेथेच त्वरित जमा करायचे आहे. अर्ज स्वीकारण्याची मुदत दि.6 ते 7 नोव्हेंबर 2025 संध्याकाळी 5 वाजेपर्यंत आहे. यंदा 70% तरुणांना उमेदवारीसाठी राष्ट्रवादी काँग्रेस पार्टी (शरदचंद्र पवार) संधी देणार असल्याचे पत्रकार परिषदेत सांगण्यात आले आहे.

अर्ज सादर केलेल्या इच्छुक उमेदवारांच्या मुलाखती आमदार संतोष चौधरी यांच्या मार्गदर्शनाखाली दि.8 व 9 नोव्हेंबर 2025 रोजी सकाळी 11 ते सायं 5 वाजेपर्यंत जनसंपर्क कार्यालयात होतील. सर्व इच्छुकांनी वेळेत उपस्थित राहावे असे तालुकाध्यक्ष विशाल नारखेडे यांनी पत्रकार परिषदेत सांगितले आहे.