भुसावळ – महासंचालक नवल बजाज यांनी आज जळगाव जिल्ह्यातील भुसावळ शहरातील बाजारपेठ पोलीस ठाण्याचे अंतर्गत कामकाज तपासले.त्यांनी या आढाव्याबाबत समाधान व्यक्त करत म्हटले की,पोलीस ठाण्याचे कामकाज योग्य पद्धतीने चालले आहे.महासंचालकांनी सांगितले की, जेव्हा ते जळगाव जिल्ह्याचे पोलीस अधीक्षक होते त्यावेळी आणि सध्याच्या परिस्थितीत वाढती लोकसंख्या आणि वाढती गुन्हेगारी लक्षात घेऊन हा आढावा घेणे आवश्यक होते.
त्यांनी असेही नमूद केले की, पोलीस स्थानकांमध्ये कमी मनुष्यबळ हा एक महत्त्वाचा आव्हानात्मक मुद्दा आहे, आणि यावर लवकरच पोलीस अधीक्षकांशी चर्चा करून उपाययोजना करण्याचा प्रयत्न केला जाईल.महासंचालक नवल बजाज यांनी पोलीस कामकाज अधिक प्रभावी आणि परिणामकारक करण्यासाठी आवश्यक सुधारणा करण्याच्या दृष्टीने पुढील टप्प्यात योग्य पावले उचलण्याचे आश्वासन दिले.
यावेळी जळगाव जिल्हा अप्पर पोलिस अधिक्षक महेश रेड्डी,उपधिक्षक अशोक नखाने,जळगाव वाहतूक पोलिस अधिकारी पवन देसले,भुसावळ उपविभागीय पोलिस अधिकारी संदिप गावित,बाजार पोलिस स्टेशनचे वरिष्ठ पोलिस अधिकारी राहुल वाघ, उपनिरीक्षक राजु सांगळे,उप निरीक्षक मंगेश जाधव,उपनिरीक्षक निलेश देशमुख, उपनिरीक्षक भारती काळे,भुसावळ वाहतूक शाखेचे सहाय्यक पोलिस निरीक्षक उमेश महाले तसेच इतर पोलिस स्टेशचे पदाधिकारी मोठया संख्येने उपस्थित होते .
