भुसावळ – शहरातील शिवाजी नगर परीसरातील डी.एल.हिन्दी हायस्कुलचे प्रांगणात चार इसमांनी मारहाण करीत एकाने चौघांवर चाकूने हल्ला केल्याची घटना ता.१८ रोजी सकाळी अकरा वाजेच्या दरम्यान घडली. या घटनेमुळे हायस्कुल विद्यार्थ्यांमध्ये धावपळ उडाली.याप्रकरणी पोलिसांनी तीन संशयितांना ताब्यात घेतले.घटनास्थळी उपविभागीय पोलीस अधिकारी संदीप गावित,शहर पोलीस ठाण्याचे निरीक्षक उद्धव डमाळे तसेच सपोनि नितीन पाटील अशांनी धाव घेतली.
डी एल.हिन्दी हायस्कुलच्या प्रांगणात विद्यार्थिनी खेळत असतांना शेख साहिल शेख सईद कुरेशी,भावेश शशिकांत बहीरुणे,प्रणय गणेश निहारे,आदिल मुकीम खान अशांनी
” क्या उछल रही है ” असे बोलल्याने त्या विद्यार्थिनींने सोहेल कुरेशी यास फोन करून बोलावले व सोहेल याने साहिल ढोल्या पूर्ण नाव माहिती नाही,जावेद शेख ऊर्फे जावेद पटेल, सोहेल कुरेशी व एक साथीदार यांनी हायस्कुलचे प्रांगणात बोलावून चौघांना मारहाण केली.तसेच साहिल ढोल्या यांनी चौघांवर चाकूने वार केले.या घटनेत प्रणय निहारे हा गंभीर जखमी झाल्याने पुढील उपचार डॉ. उल्हास पाटील गोदावरी रुग्णालयात सुरू आहे. तर बाकी तीन जखमीचा उपचार ग्रामीण रुग्णालय ट्रामा केअर सेंटर येथे सुरू आहे. पोलिसांनी संशयित साहिल ढोल्या,सोहेल कुरेशी यांना ताब्यात घेतले असून तिसरा संशयित जावेद शेख ऊर्फे जावेद पटेल यांच्या प्रकृतीत अचानक बिघाड झाल्याने पोलिसांनी त्यास ग्रामीण रुग्णालय ट्रामा केअर सेंटरला दाखल केले.आदिल मुकीम खान यांनी दिलेल्या फिर्यादीवरून बाजारपेठ पोलीस स्टेशनला गुन्हा दाखल करण्यात आला आहे.गुन्ह्यातील एक संशयित फरारी असून पोलीस शोध घेत आहे.गुन्ह्याचा पुढील तपास सहाय्यक पोलीस निरीक्षक नितीन पाटील करीत आहे.
