बेकायदेशिररित्या LPG गॅस वाहनात रिफिलिंग करताना दोन जण मिळून आले. त्यांच्या कब्जातून 16 LPG सिलेंडर, 3 मोटार व 3 वजन काटे व रोख रक्कम असा एकुण 1,08,520/- रूपयांचा मुद्देमाल जप्त..
पोलीस वार्ता, नाशिक : शहर परिसरात बेकायदेशिररित्या चालणाऱ्या अवैध धंद्यांवर कारवाई करण्याचे आदेश नाशिक शहर पोलीस आयुक्त मा.श्री.संदिप कर्णिक यांनी पोलिसांना दिले आहेत. त्याच अनुषंगाने नाशिक शहर गुन्हे शाखा युनिट-2 पथकाकडून हद्दीमध्ये पेट्रोलिंग करीत असताना दि.3 एप्रिल 2025 रोजी श्रेपो. उनि. मुक्तारखान पठाण यांना गुप्त माहिती मिळाली की, एका पत्र्याच्या शेड मध्ये माळी कॉलनी, नाल्याजवळ, हॉटेल पार्थ पॅलेस मागे, श्रमिकनगर, सातपुर, नाशिक येथे विनापरवाना, बेकायदेशिररित्या गॅस सिलेंडर मधुन मशिनद्वारे LPG Gas हा ज्वलनशिल स्फोटक पदार्थ खाजगी वाहनांमध्ये रिफिलिंग करण्यात येत आहे. आणि व्यवसाय चालू आहे.
सदर माहिती वरिष्ठ शहर गुन्हे शाखा युनिट-2 सहा पोनि. हेमंत तोडकर यांना देण्यात आली असता त्यांनी खात्री करून कारवाई करण्याचे आदेश श्रेपोउनि मुक्तारखान पठाण, पोहवा संजय सानप, प्रकाश बोडके, चंद्रकांत गवळी, परमेश्वर दराडे यांच्या पथकाला दिले. त्यानुसार दि.3 मार्च रोजी घटनास्थळी श्रमिकनगर, सातपुर येथे सापळा लावून छापा टाकला व कारवाई केली. यावेळी बेकायदेशिररित्या LPG गॅस सिलेंडर मधून गॅस खाजगी वाहनात रिफील करत भरताना दोन जण मिळून आले. त्यांच्या कब्जातून 16 LPG सिलेंडर, 3 मोटार व 3 वजन काटे व रोख रक्कम असा एकुण 1,08,520/- रूपयांचा मुद्देमाल जप्त करण्यात आला आहे. आरोपींची नावे
1)संजय रामराव शेळके, (वय 54) रा. नागरे चौक, रूम नं-1, विघ्नहर सोसायटी, श्रमिकनगर, सातपुर, नाशिक. 2)छोटु गोरख शिरसाठ, (वय 39) रा. रूम.नं-65, श्रमिकनगर, सातपुर, नाशिक अशी आहेत. पोह. संजय सानप यांनी दोन्ही आरोपींविरूध्द शासनाच्या वतीने सातपूर पोलीस ठाणे येथे तक्रार देवून भा.न्या.सं. कलम 287 व 1955 चा जिवनावश्यक वस्तु कायदा कलम 3 व 7 प्रमाणे गुन्हा दाखल करून कारवाई करण्यात आली आहे.
