इंडोफिल कंपनीचे बनावट एम-45 बुरशीनाशक उत्पादन तयार करून विकणाऱ्यांवर कृषि विभागाची धडक कारवाई!

भुसावळ येथे पोलीस पथक व गुणनियंत्रण (Agriculture Quality Control Department) पथकातील सदस्य यांनी मिळून छापा टाकला, विना परवाना बुरशीनाशक उत्पादन आढळून आले.

पोलीस वार्ता, भुसावळ | भुसावळ शहर येथील वाल्मिक नगर येथे इंडोफिल इंडस्ट्रीज लिमिटेड, मुंबई या किटकनाशक उत्पादक कंपनीचे मॅकोझेब 75% wp हे शेती उपयोगी बनावट किटकनाशक ‘एम’ नावाने अधिकृत विक्री होत आहे. तसेच सदर कंपनीचा लोगो, ब्रँडचे नाव व समान रंग संगती असणारे पाकिटे तयार करून बनावट एम-45 बुरशीनाशक शेतकऱ्यांना विक्री करण्यासाठी तयार केले आहे, अशी सर्व गोपनीय माहिती सूत्रांकडून जिल्हा कृषी आयुक्तालयातील गुण नियंत्रण पथक अधिकारी (Chief Quality Control Officer) विकास बोरसे, जिल्हा मोहीम अधिकारी विजय पवार यांना मिळाली होती.

त्यानुसार विभागीय कृषी सहसंचालक सुभाष काटकर, जिल्हा अधिक्षक कृषी अधिकारी कुर्बान तडवी, कृषी विकास अधिकारी पद्मनाभ म्हस्के व पोलीस निरीक्षक राहुल वाघ यांच्या मार्गदर्शनाखाली कारवाईचे नियोजन करण्यात आले.

संशयीत आरोपी यांच्या वाल्मिक नगर, भुसावळ येथे पोलीस पथक व गुणनियंत्रण पथकातील सदस्य यांनी मिळून छापाi टाकला असता विना परवाना बुरशीनाशक उत्पादन, व ते साठवणूक करत असल्याचे आढळून आले.

सदर छाप्यात बनावट एम-45 बुरशीनाशकाची पाकिटे 1010, बुरशीनाशक म्हणून वाल पुट्टीच्या बॅग, सिलिंग मशीन, बनावट पाकिटे इ. एकूण 3,87,360/- रुपयांचा मुद्देमाल हस्तगत केला आहे.

संशयीत आरोपी यांना परवाना व उत्पादन विषयी कागदपत्रे व पुरवठादार यांच्या विषयी माहिती विचारली असता ते ती देऊ शकले नाही. छाप्यातील बनावट साठा जप्त करून, त्याचे नमुने घेण्यात आले व बाजारपेठ पोलीस ठाणे, भुसावळ येथे अधिकृत उत्पादक यांच्या वतीने प्रदीप झा तुमच्या फिरायणीवरून पुन्हा दाखल करण्यात आला आहे.

या संपुर्ण कारवाई दरम्यान श्री प्रदीप द्याडे कृषी अधिकारी पंचायत समिती भुसावळ, मानसिंग भोळे कृषी सहायक भुसावळ, सुमन राठोड म.पो.कॉ प्रशांत परदेशी यांचे सहकार्य लाभले. पुढील तपास पोलीस उपनिरीक्षक मंगेश जाधव, भुसावळ हे करीत आहे.

✍️पोलीस वार्ता, प्रतिनिधी: विनायक पाटील, भुसावळ